Manuel Pérez Prieto
| Biografía | |
|---|---|
| Nacemento | A Habana, Cuba  |
| Morte | 30 de setembro de 1982 Castropol, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | médico , político |
| Lingua | Lingua castelá |
| Familia | |
| Irmáns | Claudio Pérez Prieto |
Manuel Pérez Prieto, nado na Habana e finado en Castropol o 30 de setembro de 1982,[1] foi un médico e político galego.
Traxectoria[editar | editar a fonte]
Estudou Medicina na Universidade de Santiago de Compostela, rematando a carreira en 1932.[2] Instalouse como médico en Ribadeo en decembro de 1933.[3] Militante do Partido Galeguista, foi concelleiro de Ribadeo. Na campaña das eleccións de febreiro de 1936 foi un dos oradores dos mitins antifascista de Rinlo, en decembro de 1935,[4] Vilaframil, a principios de xaneiro,[5] e Cubelas, a finais dese mes.[6] O 16 de marzo de 1936 foi elixido presidente do comité local de Izquierda Republicana.[7] Participou en varios mitins da campaña pro Estatuto en xuño de 1936.[8]
Co golpe de Estado do 18 de xullo de 1936 fuxiu e foi declarado en rebeldía. Integrouse no exército republicano en Asturias. Cou caída de Asturias foi detido e estivo no cárcere do Coto de Xixón. Foi xulgado en consello de guerra en Oviedo en febreiro de 1939 e condenado a cadea perpetua. Estivo preso en Burgos, Palencia e finalmente na Prisión Central de Celanova, onde exerceu como médico e da que saíu en liberdade condicional en novembro de 1940.[9] Abríronlle expediente de responsabilidades políticas en novembro de 1940.[10] Cando saíu da prisión volveu exercer como médico en Ribadeo e despois en Castropol.
Vida persoal[editar | editar a fonte]
Casou con Sara Díaz Vega,[11] e foi pai de Ramona, Manuel, Claudio e Maika Pérez Díaz.
Notas[editar | editar a fonte]
- ↑ La Nueva España, 1-10-1982, p. 32.
- ↑ El Compostelano, 20-5-1932, p. 2.
- ↑ Las Riberas del Eo, 16-12-1933, p. 6.
- ↑ Las Riberas del Eo, 28-12-1935, p. 1.
- ↑ Las Riberas del Eo, 4-1-1936, p. 6.
- ↑ Las Riberas del Eo, 25-1-1936, p. 1.
- ↑ Las Riberas del Eo, 21-3-1936, p. 2.
- ↑ El Pueblo Gallego, 18-6-1936, p. 1.
- ↑ BOE, 1-12-1940, p, 8262-82623.
- ↑ BOE, 27-1-1941, p, 419.
- ↑ Las Riberas del Eo, 2-9-1950, p. 3.
Véxase tamén[editar | editar a fonte]
Bibliografía[editar | editar a fonte]
- Pérez Díaz, Claudio; Pérez Moratilla, Claudia (2003). Un gorro ruso. Vigo: Xerais. ISBN 978-84-1110-295-7.
- "Claudín de Dona Eudosia" Arquivado 28 de febreiro de 2018 en Wayback Machine., artigo de Xosé Ramón Ermida Meilán en Terra e Tempo, 22 de novembro de 2012.
Ligazóns externas[editar | editar a fonte]
- Manuel Pérez Prieto na páxina web Nomes e Voces.