Manuel Lombao
| Biografía | |
|---|---|
| Nacemento | 1943  (81/82 anos)Lugo, España |
| Educación | Universidade Complutense de Madrid |
| Actividade | |
| Ocupación | xornalista |
  | |
Manuel Lombao Lombao, nado en Lugo en 1943, é un xornalista galego.
Traxectoria
[editar | editar a fonte]Licenciado en Ciencias da Información e en Dereito pola Universidade Complutense de Madrid, comezou a traballar en 1966 como colaborador en programas musicais de Radio Lugo-Cadena SER (1966-67). Posteriormente foi xefe de programas en Radio Popular de Lugo-Cadena COPE (1967-71) e de Cope en Madrid de 1971 a 1975. Incorporouse a Radio Nacional de España en 1976. Logo de pasar por varios programas, en 1982 noméano director de especiais informativos da cadea. Un ano despois, a comezo de 1983, é nomeado director de RNE en Galicia. En 1985 salta a Televisión Española, onde comeza como redactor cultural nos telexornais e onde en 1986 o nomean director do centro territorial de TVE en Galicia[1]. Trasládase de novo a Madrid, onde é subdirector de Informe semanal, e dende 1988 ata 1996 dirixiu o programa de información parlamentaria da cadea.
En 2004 pasou a ser director dos centros territoriais da cadea, e en representación de TVE, en membro da Asociación Europea de Televisións Rexionais. En agosto de 2008 foi nomeado director do centro de Brasilia do Instituto Cervantes.[2] Ten numerosas publicacións sobre comunicación, música ou política.[3]
Premios
[editar | editar a fonte]- Premio Ondas de radio 1974[4]
- Premio Micrófono de Oro 1993
- Premio Paraugas de Ouro da televisión búlgara, en 2003.
- Premio Magnolia no Festival de Televisión de Xangai polo seu documental La última carta.
- Cruz ao mérito militar, con distintivo branco.
- Premio Os Bos e Xenerosos da AELG no 2015.
- ↑ Ernesto Sánchez Pombo (6 de maio de 1986). "Manuel Lombao, nuevo director de TVE en Galicia". El País.
- ↑ J. Lerín (8 de xullo de 2008). "Lombao dirige el Instituto Cervantes en Brasilia". El Periódico de Aragón.
- ↑ "Manuel Lombao Lombao". Galegos. 12/12/2024.
- ↑ "O xornalista Manuel Lombao ofrecerá o pregón do San Froilán 2018". Concello de Lugo. Consultado o 18 de maio de 2018.