Mada'in Saleh

Na Galipedia, a Wikipedia en galego.
Mada'in Saleh
Fantastic Walls 2 (4264825923).jpg
Patrimonio da Humanidade - UNESCO
País Flag of Saudi Arabia.svg Arabia Saudita
Localización N/D
Tipo Cultural
Criterios ii, iii
Inscrición N/D
Identificador 1293

Mada'in Saleh (ou Madain Saleh) (en árabe: مدائن صالح , madāʼin Ṣāliḥ, "Cidades de Saleh"), tamén denominada Al-Hijr ("lugar da roca"), é unha antiga cidade localizada no norte de Hejaz (na actualidade Arabia Saudita, a 22 quilómetros da cidade da Al-`Ula (árabe العلا). Na Antigüidade, a cidade estaba habitada por thamudis e nabateos sendo denominada como Hegra.[1]

Algunhas das inscricións atopadas na zona están datadas cara ao segundo milenio antes de Cristo. Con todo, todos os elementos arquitectónicos restantes dátanse no período das civilizacións Thamudi e Lihyan.

En 2008, a UNESCO proclamou a Mada'in Saleh Patrimonio da Humanidade, converténdose no primeiro lugar de Arabia Saudita en conseguilo.[2]

Localización[editar | editar a fonte]

O sitio arqueolóxico de Mada’in Saleh está situado a 20 km ó norte da cidade de Al-`Ula, 400 km ó noroeste de Medina, e a 500 km sueste de Petra, Xordania. O sitio está nunha chaira, ós pés dunha meseta de basalto, que forma parte das montañas Hijaz. As partes oeste e noroeste do sitio teñen un nivel freático que pode ser alcanzado a unha profundidade de 20 m.[3] O lugar é coñecido pola súa paisaxe desértica, marcada por afloramentos de arenita de varios tamaños e alturas.[4]

Turismo[editar | editar a fonte]

O sitio arqueolóxico de Al Hijr – Madain Salih.

Mada'in Saleh está considerada os segundos restos da cultura nabatea máis importante tras Petra. Nabatae.net indica que 131 tumbas atópanse espalladas ao longo de 13,4 quilómetros xunto con cisternas, murallas, torres, etc.[5]

Notas[editar | editar a fonte]

  1. Al-Hijr Archaeological Site (Madâin Sâlih), Unesco.
  2. Official announcement as World Heritage Site
  3. ICOMOS Evaluation of Al-Hijr Archaeological Site (Madâin Sâlih) World Heritage Nomination". World Heritage Center.
  4. Hizon, Danny. "Madain Saleh: Arabia's Hidden Treasure – Saudi Arabia".
  5. Información de nabataea.net

Véxase tamén[editar | editar a fonte]

Outros artigos[editar | editar a fonte]