Luperco

Na Galipedia, a Wikipedia en galego.
Saltar ata a navegación Saltar á procura
Altar de mármore coa representación da cova Lupercal.

Luperco (en latín Lupercus, derivado de lupus, "lobo") é un antigo deus da mitoloxía romana invocado na protección da fertilidade e os rabaños.[1] Inicialmente identificóuselle co lobo sacro de Marte, posteriormente, como un epíteto de Fauno (Faunus lupercus, Fauno Luperco) e finalmente, asimilado ao deus Pan.[2]

Culto[editar | editar a fonte]

Na Antiga Roma, ao deus Luperco dedicóuselle un santuario ou cova sacra ao pé da ladeira noroeste do outeiro do Palatino, chamada Lupercal (do latín: lupercal, sagrado de Luperco), a mesma cova onde a lenda sinala que Fáustulo atopou aos xemelgos Rómulo e Remo.[1]

Os seus sacerdotes, os lupercos (do latín: lupercalis, de Luperco), estaban divididos en dous sodalidades coñecidas como Lupercos Quintili e Lupercos Fabiani, que segundo a tradición, procedían respectivamente, dos compañeiros de Rómulo e Remo.[1][3] Ao día sacro para Luperco era o 15 de febreiro e na Lupercal celebrábanse as festas Lupercales (en latín: Lupercalia), que consistían en ritos de purificación durante os que se lle ofrecían sacrificios dunha cabra e un can, ao que seguía a segunda parte do rito, onde dous mozos "Lupercos" espidos iniciábanse co rostro bañado de sangue dos animais inmolados e apenas vestidos coas peles dos animais sacrificados, corrían ao redor do Palatino, golpeando a calquera que se atopasen, particularmente ás mulleres, con látegos feitos coas peles dos animais sacrificados.[2][4] As mulleres buscaban os lategazos pois se cría que se volvían fecundas.

Notas[editar | editar a fonte]

  1. 1,0 1,1 1,2 Luigi Castiglioni; Scevola Mariotti. Piergiorgio Parroni, ed. IL - Vocabolario della lingua latina (4 ed.). Loescher. ISBN 978-88-201-6660-1. 
  2. 2,0 2,1 "Luperco". Istituto dell'Enciclopedia Italiana. 
  3. "Lupèrci". De Agostini Editore. 
  4. "Lupercalia". Encyclopædia Britannica. 

Véxase tamén[editar | editar a fonte]

  • Gandharva

Bibliografía[editar | editar a fonte]