Luces de circulación diúrnas
 | Este artigo é orfo, xa que carece doutros artigos que apunten cara a el. Por favor, engade ligazóns a esta páxina desde outros artigos relacionados con este. |
As luces de circulación diúrnas ou no seu acrónimo inglés DRL (Daytime Running Lights) é unha medida de condución que pretende que as luces de circulación dos coches estean acesas sempre que o vehículo está en marcha, tanto de noite como de día. O seu obxectivo é aumentar a seguridade coa mellora da visibilidade. En moitos países do mundo estas luces só son obrigatorias á noite, en circunstancias climatolóxicas adversas (brétema, choiva ou neve) ou en túneis.
Estudos científicos
[editar | editar a fonte]Os distintos estudos feitos sobre as luces de circulación polo día achegan resultados contraditorios. En primeiro lugar, porque resulta de difícil aplicación práctica en contornos onde a necesidade desas luces é moi baixa (boa climatoloxía, días e noites equilibrados...). E en segundo lugar, porque están en dúbida os éxitos da súa política de seguridade: ao haber máis luces estas son menos importantes como identificadores de vehículos, agochan as luces de viraxe, reducen a visibilidade de motocicletas (que xa teñen por obriga levalas todo o tempo acesas) e ás veces poden ata cegar.
Porén, a maior parte dos estudos apuntan a que son positivas e que reducen a incidencia de accidentes.
Normativa
[editar | editar a fonte]Países nórdicos
[editar | editar a fonte]Os países nórdicos foron pioneiros na aplicación das luces de circulación polo día. Ten certa lóxica, xa que aló a luz ambiente é moito máis reducida mesmo durante o día, e tendo en conta que durante os invernos as horas de luz diúrna se reducen á mínima expresión. Ademais, a climatoloxía, presidida polas frecuentes nevaradas, axuda a un uso diúrno das luces de circulación.
As normas nestes países favoreceron ao comezo o uso de buxías de 21 vatios, semellantes ás empregadas nas luces de intermitencia ou nas luces de freado, colocadas nos extremos dos vehículos e que producían entre 400 e 600 candeas.
Resto de Europa
[editar | editar a fonte]- 1989: Hungría
- 2008?: España. As institucións de tráfico españolas estiveron a cavilar a implantación das luces de circulación diúrnas en 2008. Entenden que se poderían evitar entre un 2 e un 4% de accidentes e entre un 4 e un 8% de atropelos.
América
[editar | editar a fonte]- 1990: Canadá
- 1995: Estados Unidos. A partir desta data comezaron a comercializarse modelos co dispositivo de luces de circulación diúrnas, pero non é obrigatorio.