Liutprando de Cremona
| Liutprando de Cremona | |
|---|---|
| Nacemento | 922 e c. 920 |
| Pavía | |
| Falecemento | c. 972 |
| Etnia | Longobardos |
| Relixión | Igrexa católica |
| Ocupación | sacerdote, bispo e escritor |
| Coñecido por | Report of a Mission to Constantinople, sen etiquetar e Historia Ottonis |
| [ editar datos en Wikidata ] | |
Liutprando de Cremona (Liudprand ou Luitprando), latinizado Liutprandus Cremonensis, nado sobre o 922 e finado no 972, foi un historiador dos longobardos e bispo de Cremona, naceu a comezos do século X de familia nobre.
Traxectoria[editar | editar a fonte]
En 931 entrou ao servizo de Hugo de Arlés, na corte de Pavía (como rei de Italia). Tras a morte deste en 947, Liutprando pasou a ser secretario do verdadeiro gobernante de Italia, Berengario II de Ivrea, para quen foi chanceler e logo embaixador (949) na corte bizantina de Constantino VII Porfiroxeneta.
Á súa volta, perdeu o favor da corte de Pavía, e pasouse ao bando do opoñente de Berengario, o emperador Odón I, que foi rei de Italia á morte de Lotario II de Italia en 950, e con quen volveu a Italia en 961 e foi investido bispo de Cremona en 962.
Volveu ser enviado a Constantinopla, co fin de pedir para o mozo Odón (que logo foi o emperador Odón II) a man de Teófano, filla do emperador bizantino Romano II.
O seu relato desta embaixada na Relatio de Legatione Constantinopolitana é quizais a descrición máis gráfica e vívida que nos chegou da corte e a capital bizantina no século X, aínda que non deixa de relatar as ofensas recibidas e a dignidade ferida, cunha postura moi partidista antibizantina.
A Luitprando bispo de Cremona atribuíu o falsario xesuíta toledano Jerónimo Román de la Higuera un dos seus «falsos Cronicóns».
Obras[editar | editar a fonte]
- Antapodosis, seu rerum per Europam gestarum, Libri VI, unha narración histórica dos feitos acaecidos, sobre todo en Italia, de 887 a 949.
- Historia Ottonis, unha loa do seu patrón o emperador Odón I, que cobre os anos 960–64.
- Relatio de legatione Constantinopolitana ad Nicephorum Phocam que cobre os anos da súa embaixada á capital bizantina, 968–69.
Véxase tamén[editar | editar a fonte]
Ligazóns externas[editar | editar a fonte]
- Catholic Encyclopedia: Liutprando de Cremona
- Zdravko Batzarov, Encyclopædia Orbis latini: Liutprando de Cremona
- Liutprando, Relatio: extractos (en inglés).
| Control de autoridades |
|
|---|
