Un lipoma é un tumor benigno composto de tecido adiposo (corpo graxo). É a forma benigna máis común de tumor de tecido mole.[1] Os lipomas son brandos ó tacto, móbiles, e xeralmente non causan dor. A maioría dos lipomas son pequenos (menos dun centímetro de diámetro) pero poden medrar ata os seis centímetros. Lipomas son comúns en adultos entre os 40 e os 60 anos de idade, pero poden aparecer tamén en mozos e nenos. Algúns estudos sosteñen que poden transformarse en malignos,[2] mentres que outros din que esa teoría non está convincentemente documentada.
