Lindiwe Sisulu
_(cropped).jpg)
Lindiwe Nonceba Sisulu, nada en Xohanesburgo o 10 de maio de 1954, é unha política surafricana, membro do Parlamento desde 1994, que entre febreiro de 2018 e maio de 2019 traballou como Ministra de Relacións Internacionais e Cooperación. Tamén é membro do Comité Executivo Nacional do Congreso Nacional Africano (CNA). Previamente foi ministra de vivenda de 2004 e 2009, ministra de defensa desde 2009 até 2012, e ministra de servizos públicos e administración entre 2012 e 2014.[1][2][3]
Traxectoria[editar | editar a fonte]
Primeiros anos e familia[editar | editar a fonte]
Sisulu é filla dos líderes do CNA e activistas anti-apartheid Walter e Albertina Sisulu.[4] É irmá da xornalista Zwelakhe Sisulu e do político Max Sisulu.[5][6]
Entre 1975 e 1976, foi detida polas súas actividades contra o apartheid. Durante o seu exilio de 1977 a 1979 uniuse á á militar do CNA, Umkhonto we Sizwe, especializándose en intelixencia.[1][7]
Educación[editar | editar a fonte]
En 1973, graduouse no Waterford Kamhlaba United World College de África do Sur en Mbabane, Suazilandia. En 1980, recibiu unha licenciatura e un diploma en educación, e en 1981 recibiu un título en historia da Universidade de Suazilandia. Tamén realizou unha mestría en historia, e en 1989 unha mestría no Centro de Estudos do África Austral na Universidade de York.[1]
Carreira[editar | editar a fonte]
A mediados da década de 1980, traballou como profesora.[8]
En 1966 comezou a súa carreira gobernamental como viceministra de asuntos internos, traballando no cargo até 2001.[9]
Campaña presidencial[editar | editar a fonte]
Foi considerada durante moito tempo como unha potencial candidata presidencial, tentando postulándose en 2007 e 2012. En 2017 anunciou a súa campaña presidencial o 21 de xullo na praza Walter Sisulu en Kliptown (nos arredores de Xohanesburgo), onde se adoptou a Carta da Liberdade.[10] Adoptou o slogan It's a Must («É un deber») onde chamou aos seguidores a unirse a ela nunha campaña «imprescindible». O 15 de decembro de 2017, retirou a súa candidatura, postulándose como vicepresidenta.[11] Foi derrotada por David Mabuza.[12]
Ministra de Relacións Internacionais[editar | editar a fonte]
En febreiro de 2018 o presidente Cyril Ramaphosa reorganizou o seu gabinete, pasando Sisulu de Ministra de Vivenda ao Ministerio de Relacións Internacionais, en substitución de Maite Nkoana-Mashabane.[13]
Publicacións[editar | editar a fonte]
- R Cohen, ed. (1991). "Women at Work and Liberation Struggle in the 1980s". Themes in the twentieth century South Africa (en inglés). Oxford University Press.[1]
- (1990). "South African Women in Agricultural Sector" (panfleto), Universidad de York (en inglés).
- "Women Working Conditions in South Africa". South African Situation Analysis (en inglés). Comité Nacional de los Derechos del Niño, UNESCO. 1992.
- Housing Delivery and the Freedom charter: the beacon of hope, new agenda (en inglés). 2005.
Notas[editar | editar a fonte]
- ↑ 1,0 1,1 1,2 1,3 "GCIS: Profile information: Lindiwe Nonceba Sisulu, Dr". GCIS. 22 de maio de 2006. Arquivado dende o orixinal o 23 de maio de 2014. Consultado o 23 de maio de 2014.
- ↑ "Statement by President Jacob Zuma on the appointment of the new Cabinet". South African Government Information. 10 de maio de 2009. Arquivado dende o orixinal o 13 de maio de 2009. Consultado o 10 de maio de 2009.
- ↑ "Changes to National Executive and South African Police Service". Government of South Africa. 12 de xuño de 2012. Arquivado dende o orixinal o 02 de abril de 2013. Consultado o 12 de xuño de 2012.
- ↑ "Sisulu tipped to take acting Deputy President post". SABC news. 22 de setembro de 2008. Arquivado dende o orixinal o 23 de maio de 2020. Consultado o 23 de setembro de 2008.
- ↑ Murphy, Caryle (11 de maio de 1988). "Sisulu and the Unity of Struggle; A S. African Journalist, Jailed Like His Father Before Him in a Land He Cannot Forsake". Washington Post.
- ↑ Warby, Vivian (6 de maio de 2009). "Sisulu elected as first male Speaker in Parliament". Government Communication and Information System. Arquivado dende o orixinal o 30 de xullo de 2013. Consultado o 24 de maio de 2018.
- ↑ "Lindiwe Sisulu, Minister of Housing, Republic of South Africa". United Nations Development Programme. Arquivado dende o orixinal o 25 de setembro de 2008. Consultado o 23 de setembro de 2008.
- ↑ Africa Confidential profile
- ↑ Article about Sisulu's removal as defense minister
- ↑ "Lindiwe Sisulu launches presidential campaign to 'cleanse and save' ANC". News24. 22 de xullo de 2017. Arquivado dende o orixinal o 23 de decembro de 2017. Consultado o 28 de marzo de 2021.
- ↑ BBC (15 de decembro de 2017). "Boost for Ramaphosa ahead of ANC vote as Sisulu drops out of the race". Nairobi. Consultado o 16 de decembro de 2017.
- ↑ "Meet our potential deputy president, David Mabuza". IOL Business Report. 23 de febreiro de 2018.
- ↑ "New ministers to be sworn in on Tuesday". IOL Business Report. 27 de febreiro de 2018.