La Macorina
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2019.) |
| Biografía | |
|---|---|
| Nacemento | 1892  Guanajay, Cuba |
| Morte | 15 de xuño de 1977 (84/85 anos) A Habana, Cuba |
| Actividade | |
| Ocupación | prostituta |
| Período de actividade | 1917 - 1934 |
María Calvo Nodarse, coñecida como La Macorina, nada en Guanajay en 1892 e finada na Habana o 15 de xuño de 1977, foi a primeira muller chofer da capital cubana, así como a primeira muller que tivo licenza para conducir a principios do século XX.
Traxectoria
[editar | editar a fonte]Primeiros anos
[editar | editar a fonte]Da súa infancia non se coñece moitos datos, só se sabe con exactitude que aos 15 anos fuxiu da súa casa en dirección á Habana en compaña do seu mozo, e único amor, e que máis tarde, froito dunha mala situación financeira, entrou a traballar como prostituta.
O nacemento de La Macorina
[editar | editar a fonte]A audacia e beleza que posuía esta muller fixérona penetrarse nos círculos máis selectos da sociedade cubana da época; non foi unha prostituta no sentido indiscriminado que leva esta profesión, nin tampouco traballou nun bordel, senón que se prostituía selectivamente. E comezou a súa carreira rápida cara á opulencia, segundo declarou nunha entrevista que lle fixo Guillermo Villarronda para a revista Bohemia o 26 de outubro de 1958:
Máis dunha ducia de homes permanecían rendidos aos meus pés, fartos de diñeiro, suplicantes de amor.
Foi amiga de ricos habaneiros dedicados á política e os negocios, entre eles José Miguel Gómez (coñecido popularmente como "Tiburón").
Decadencia e morte
[editar | editar a fonte]Aos poucas, como resultado dunha época económica mala para ela e para o país en xeral, foi vendendo todas as súas pertenzas, dende xoias até casas e coches. La Macorina acabou na máis absoluta pobreza, vivindo nun cuarto alugado nunha casa familiar habanera. Morreu case na miseria.
Personaxe de Lenda
[editar | editar a fonte]Foi tan popular La Macorina que non só ten na súa honra dúas composicións musicais e unha pintura de Cundo Bermúdez, senón que foi inmortalizada nas charangas de Bejucal. Sobre ela escribiu o asturiano Alfonso Camín o seu soado poema "Macorina" que a cantante mexicana Chavela Vargas transformou nunha das cancións máis coñecidas da súa carreira.
Véxase tamén
[editar | editar a fonte]Ligazóns externas
[editar | editar a fonte]- Historia de La Macorina Arquivado 09 de xaneiro de 2016 en Wayback Machine. (en castelán)
- Tema La Macorina, interpretado po Chavela Vargas. (en castelán)