Kelly Kwalik
| Biografía | |
|---|---|
| Nacemento | 1955  |
| Morte | 16 de decembro de 2009 (53/54 anos) Kota Timika, Indonesia (pt)  |
| Datos persoais | |
| País de nacionalidade | Indonesia |
| Actividade | |
| Ocupación | político , militar |
| Período de actividade | 1971 - 2009 |
| Carreira militar | |
| Lealdade | Movemento Papúa Libre |
| Conflito | Conflito de Papua (pt) |
Kelly Kwalik, nado en 1955 e finado en Timika o 16 de decembro de 2009, foi un líder independentista e comandante militar do Movemento Papúa Libre, unha organización separatista da Papúa Occidental, en Indonesia.[1]
Conflito de Papúa[editar | editar a fonte]
- Artigo principal: Conflito de Papúa.
Kwalik, un coñecido separatista, levaba anos na lista dos máis buscados de Indonesia.[2] A policía indonesia acusou a Kwalik de ser o responsable dunha serie de tiroteos e ataques dirixidos á empresa mineira estadounidense Freeport-McMoRan, que opera grandes minas de cobre e ouro na Provincia de Papúa.[2] Nunha reunión de 2009 coa policía, Kwalik negou reiteradamente a responsabilidade dos ataques.[1]
Crise de reféns de Mapenduma[editar | editar a fonte]
- Artigo principal: Crise de reféns de Mapenduma.
O nome de Kwalik gañou a atención internacional cando o 8 de xaneiro de 1996, el e a súa milicia mantiveron a 26 membros da Expedición Lorentz 95, formada por cidadáns indonesios e internacionais. Isto provocou unha crise de reféns que durou 5 meses e que provocou a morte de dous dos reféns cando as forzas especiais militares indonesias, Kopassus, dirixidas polo comandante Prabowo Subianto levaron a cabo unha operación de rescate. Esta serie de acontecementos tamén levou ao tiroteo de Timika de 1996 en 1996 que matou a 16 persoas no aeroporto de Timika.[3]
Asasinato[editar | editar a fonte]
O 16 de decembro de 2009, Kwalik recibiu un disparo nunha redada policial nun dos seus escondedoiros no barrio Gorong-Gorong de Timika.[1] A policía afirmou que Kwalik estaba armado cando lle dispararon mentres tentaba fuxir.[1] Kwalik morreu nun hospital de Timika.[1]
O corpo de Kwalik foi depositado no edificio do Consello Lexislativo de Mimika.[4][5] O seu cadaleito estaba cuberto cunha bandeira da estrela da mañá, mais a policía rexeitou a petición da familia e os seus seguidores de Kwalik para ondear esa bandeira no seu funeral.[5] O funeral católico de Kwalik foi oficiado polo bispo John Philip Saklil da diocese católica romana de Timika.[5] Foi enterrado en Timika.[5]
Despois da morte de Kwalik, o Movemento Papúa Libre nomeou en xaneiro de 2010 a Jeck Kemong como novo comandante supremo da súa á militar, o Exército de Liberación Nacional de Papúa Occidental e comandante rexional do Nemangkawi.[6]
Notas[editar | editar a fonte]
- ↑ 1,0 1,1 1,2 1,3 1,4 "OPM leader Kwalik dies after shooting incident". Radio New Zealand International. 2009-12-16. Consultado o 2010-02-26.
- ↑ 2,0 2,1 Vaswani, Karishma (2009-12-16). "Indonesia police 'kill' Papua separatist Kelly Kwalik". BBC News. Consultado o 2010-02-26.
- ↑ "ICRC role during the Irian Jaya hostage crisis (January-May 1996)". International Committee of the Red Cross. 1999-08-27. Consultado o 2014-03-19.
- ↑ "Kwalik's men riot at Mimika Legislative Council". The Jakarta Post. 20 de decembro de 2009. Consultado o 21 de marzo de 2021.
- ↑ 5,0 5,1 5,2 5,3 "Police Ban Morning Star Flag At Funeral Of Papuan Separatist Leader". Jakarta Globe. 2009-12-21. Arquivado dende o orixinal o 2010-01-24. Consultado o 2010-02-26.
- ↑ "Free Papua Movement appoints new military commander". Radio New Zealand International. 2010-01-19. Consultado o 2010-02-26.