Karlín
| ||||
| Localización | ||||
|---|---|---|---|---|
| ||||
| País | República Checa | |||
| Cidade | Praga | |||
Administrative district of Prague (en)  | Prague 8 (en) | |||
| Municipal part of Prague (en) | Prague 8 (en)  | |||
| Poboación | ||||
| Poboación | 12.261 (2021) (5.681,65 hab./km²) | |||
| Xeografía | ||||
| Superficie | 2,158 km² | |||
| Bañado por | Río Moldava | |||
| Altitude | 190 m | |||
Karlín é unha área catastral do distrito 8 da cidade de Praga (República Checa). Antigamente era unha localidade independente, pasando a formar parte da capital checa en 1922. Limita polo norte co río Moldava e Holešovice, polo sur co outeiro Vítkov e Žižkov, polo oeste con Nové Město e polo leste con Libeň.
Historia[editar | editar a fonte]
A construción da área de Karlín comezou en 1817, arredor do Rosarium dos Cabaleiros da Cruz coa Estrela Vermella. O novo asentamento foi recibiu o seu nome en honor á cuarta muller do Emperador Francisco I de Austria, Carolina Augusta de Baviera.
Logo da demolición dos muros da cidade, as propiedades de Karlín foron as máis baratas de Praga. A causa disto, o número de empresas industriais e vivendas medrou moi rápido na área de "Illa Rohan" (en checo Rohanský ostrov). O 1 de xaneiro de 1922, Karlín foi incorporada a Praga. Neste momento, o pioneiro da enerxía eléctrica industrial František Křižík tivo unha importante influencia na zona, establecendo unha liña de tranvía que posteriormente vendería á cidade.
Nos anos '70 do século XX, o tráfico foi desviado a Rohanské nábřeží e a arteria principal foi aliviada. Dende 1990 Karlín está conectada mediante o Metro de Praga e creáronse zonas peonís. No 2002 as inundacións afectaron seriamente a Karlín, non reparándose tódolos estragos ata despois de 2007, o que provocou que se adoptaran medidas para limitar o risco de novas inundacións. Dende aquela recuperouse e converteuse nun novo destino para negocios e residencial, a pesar da súa mala reputación como zona insegura, debido á súa proximidade ao centro da cidade.
Edificios salientables[editar | editar a fonte]
Un edificio salientable de Karlín é a Ponte Ferroviaria de Karlín, que conecta a estación ferroviaria principal coa estación de Bubny. O viaduto (tamén chamado Viaduto de Karlín) recibiu o seu nome en honor a Alois Negrelli, ten 1.111 m de longo e comezouse a empregar o 1 de xuño de 1850. Trátase da maior ponte/viaduto do territorio checo.
- Teatro Karlín (Karlínské hudební divadlo)
- Hotel Olympia
- Casa do Inválido (Invalidovna)
- Igrexa de San Cirilo e Metodio (Kostel Sv. Cyrila a Metoděje)
- Oficina Checa de Estatística (Český statistický úřad)
- Pazo Danubia
