Juan Gil Sequeiros

Juan Gil Sequeiros

Biografía
Nacemento	1891 valor descoñecido
Morte	7 de novembro de 1957 (65/66 anos) Vilagarcía de Arousa, España
Alcalde de Vilagarcía de Arousa
8 de maio de 1944 – 4 de marzo de 1948 ← Frutos Cerecedo Lapatza – Frutos Cerecedo Lapatza →
Procurador nas Cortes
16 de marzo de 1943 – 24 de abril de 1946 Lexislatura: I lexislatura das Cortes franquistas
Alcalde de Vilagarcía de Arousa
15 de febreiro de 1937 – 8 de marzo de 1938 ← Frutos Cerecedo Lapatza – Ramón García Lago →
Actividade
Lugar de traballo	Madrid
Ocupación	empresario, político

Juan Gil Sequeiros, nado en 1891 e finado en Vilagarcía de Arousa o 7 de novembro de 1957, foi un empresario e político galego.

Traxectoria

Empresario en negocios de madeira, foi xefe do Sindicato Provincial de Pontevedra. O 15 de febreiro de 1937 foi nomeado alcalde de Vilagarcía de Arousa, ocupando o cargo ata o 8 de marzo de 1938. O 8 de maio de 1944 volveu ser nomeado alcalde de Vilagarcía, finalizando o seu mandato o 4 de marzo de 1948.

O 1 de novembro de 1942 foi elixido representante sindical nas Cortes Españolas polos Sindicatos Nacionales. Foi Procurador nas Cortes durante o franquismo en representación da Organización Sindical como empresario do Sindicato Nacional de la Madera y Corcho na I Lexislatura das Cortes Españolas (1943-1946). Finou en Vilagarcía de Arousa o 7 de novembro de 1957.

Vida persoal

Casou con Mercedes Reguera Prego de Gil, que finou o 16 de novembro de 1934. Volveu casar con María Teresa Padín Anido.

Véxase tamén

Ligazóns externas

• O Alcalde Borruell Arquivado 16 de decembro de 2013 en Wayback Machine.