Juan Ares López
Biografía | |
---|---|
Nacemento | c. 1902 Andrade, España |
Morte | 27 de xullo de 1964 (61/62 anos) Campo Longo, España |
Actividade | |
Ocupación | maquis |
Partido político | Izquierda Republicana |
Carreira militar | |
Conflito | guerra civil española |
Juan Ares López, Pallares, nado en Andrade (Pontedeume) cara a 1902 e finado en Campo Longo o 27 de xullo de 1964,[1] foi un político e guerrilleiro antifranquista galego.
Traxectoria
[editar | editar a fonte]Veciño de Nogueirosa. Presidente da Sociedad Progreso de Agricultores de Nogueirosa, presidiu tamén a Sociedad Agrícola Comarcal del Este de La Coruña, que agrupaba a 12 entidades dos concellos de Pontedeume e Miño. Membro de Izquierda Republicana, co triunfo da Fronte Popular nas eleccións de febreiro de 1936, foi nomeado concelleiro de Pontedeume e elixido tenente de alcalde.
Co golpe de Estado do 18 de xullo de 1936 foi membro do Comité de Defensa da República e participou no intento de deter as tropas sublevadas que avanzaron dende Ferrol para tomar a vila de Pontedeume o 21 de xullo. Logrou agocharse no seu domicilio durante máis de once anos e despois fuxiu ao monte. Foi enlace do grupo de José Vázquez Mauriz e despois de Ramiro Martínez López. Rendeuse á Garda Civil en maio de 1949. Foi procesado e saíu absolto. Finou en 1964 con 62 anos.
Notas
[editar | editar a fonte]- ↑ La Voz de Galicia, 28-7-1964, p. 12.
Véxase tamén
[editar | editar a fonte]Ligazóns externas
[editar | editar a fonte]- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 121–122. ISBN 978-84-1176-172-7.
- Sobrino Ceballos, Juan; Domínguez Ferro, Manuel (2007). "Proceso e morte de Luis Nodar" (PDF). Cátedra. Revista eumesa de estudios (14): 295–304. Arquivado dende o orixinal (PDF) o 08 de xuño de 2013. Consultado o 16 de marzo de 2017.