José Castedo
| Biografía | |
|---|---|
| Nacemento | 1914  Ferrol, España |
| Morte | 1982 (67/68 anos) Madrid, España |
| Actividade | |
| Ocupación | sinólogo |
 | |
José Castedo Carracedo, coñecido como Pepe Castedo, nado en Ferrol[1] en 1914 e finado probablemente en Madrid en 1982, foi un sinólogo galego.
Traxectoria
[editar | editar a fonte]Militante de partidos de esquerda, combateu na Guerra Civil Española no bando republicano. Apresado durante o conflito militar, logrou escapar e fuxir a Francia. En París inscribiuse como refuxiado político, presentándose co aval de Julio Just, deputado valenciano de Izquierda Republicana.
En 1964 viaxou a China co propósito de aprenderlles español ás novas xeracións do maoísmo. Comezou a traballar na escola anexa ao Instituto de Linguas Estranxeiras de Pequín, a actual Universidade de Estudos Estranxeiros de Pequín. En 1966 involucrouse na Revolución Cultural.
Dezaseis anos despois de chegar a Asia en 1980 saíu daquel país e foi a Málaga para vivir cunha filla que tiña. Ao ano seguinte recibiu a orde de Afonso X o Sabio polos seus méritos pedagóxicos, e quixo regresar a China, pero xa non llo permitiron.[2] Ao pouco rompeu relacións coa súa filla e trasladouse a Madrid, pero con grandes dificultades persoais e económicas suicidouse probablemente nesa cidade dun disparo.
Repercusión
[editar | editar a fonte]Aparece mencionado nas Memorias de un naufragio de Juan Morillo e en Las tertulias de San Li Tun, de Juan Andrade Heymann. Quizais fose o revisor da primeira tradución española do Libro Vermello de Mao.[1]
Obra
[editar | editar a fonte]Notas
[editar | editar a fonte]- ↑ 1,0 1,1 Flores para Pepe Castedo, artigo de Xulio Ríos para Praza Pública, 17/6/2013.
- ↑ Un gran amigo y un colega inolvidable, artigo de Wu Ruigen en China Hoy, xullo de 2004.
Véxase tamén
[editar | editar a fonte]Bibliografía
[editar | editar a fonte]- Ríos, Xulio (2019). [978-84-949046-6-0 Pepe Castedo. Vida y Azares]
|url=incorrecto (Axuda). Santiago de Compostela: Teófilo edicións.
