José María Eiros
| José María Eiros | |
|---|---|
| Nacemento | 26 de marzo de 1959 |
| Lugar de nacemento | Mondoñedo |
| Nacionalidade | España |
| Alma máter | Universidade de Valladolid |
| Ocupación | político, profesor universitario e microbiólogo |
| [ editar datos en Wikidata ] | |
José María Eiros Bouza, nado en Mondoñedo o 26 de marzo de 1959, é un microbiólogo e doutor galego, que brevemente foi tamén político.
Traxectoria[editar | editar a fonte]
De mozo, foi facer o bacharelato ao colexio dos xesuítas de Valladolid, e na universidade desa cidade licenciouse, e despois doutorouse en Medicina e Cirurxía. Dá clase na Universidade de Valladolid, e traballa ao mesmo tempo como microbiólogo no hospital universitario desa cidade, do que chegou a ser xerente.
Formou parte da candidatura do Partido Popular ao Congreso dos Deputados pola provincia de Valladolid nas eleccións xerais de 2015, e saíu elixido[1]. Porén, foi unha lexislatura que non chegou a arrincar propiamente, dado que non se conseguiu formar goberno, e cesou do seu escano como deputado só uns meses máis tarde, na primavera de 2016. Non repetiu como candidato nas listas do PP nos comicios que seguiron[2].
Ademais ten autoeditadas unha serie de obras humorísticas en verso[3], ilustradas por unha compañeira de hospital, compostas en letrilla castellana, ademais de monografías da súa especialidade médica.
Obra[editar | editar a fonte]
- Vacuna desde la cuna (2015)
- Gestor con sentido del humor (2015)
- Asómate a Harambee (2015)
- Sonría su señoría (2016)
- Cuestiones esenciales en enfermedades infecciosas (2016)
Notas[editar | editar a fonte]
- ↑ "Ficha de JM Eiros na web do Congreso dos Deputados". Congreso dos Deputados. Arquivado dende o orixinal o 08 de xaneiro de 2019.
- ↑ Casanova, Jorge (2019-01-08). ""Si soy algo, soy gallego"". La Voz de Galicia (en castelán). Consultado o 2019-01-08.
- ↑ López, Carmen M. "“Ser gestor implica tener buen humor, superpoderes y... ¡algo de chispa!”". Gaceta Médica (en castelán). Consultado o 2019-01-08.