José Domínguez Fernández
Biografía | |
---|---|
Nacemento | 30 de abril de 1917 Pontellas, España |
Morte | 16 de xuño de 1980 (63 anos) Buenos Aires, Arxentina |
Datos persoais | |
País de nacionalidade | España |
Actividade | |
Ocupación | político |
José Domínguez Fernández, nado en Pontellas (O Porriño) o 30 de abril de 1917 e finado en Buenos Aires o 16 de xuño de 1980, foi un político galego.
Traxectoria[editar | editar a fonte]
Con 17 anos emigrou á Arxentina embarcando en Vigo o 17 de marzo de 1934. Instalouse en Buenos Aires e vinculouse coa Sociedad de Porriño e a Federación de Sociedades Gallegas Agrarias y Culturales. Afiliouse ao Partido Comunista. Despois do golpe militar do GOU foi detido pola Sección Especial de Represión al Comunismo en 1943 e foi torturado. Despois enviárono ao campo de concentración da illa Martín García. Coa vitoria dos aliados na Segunda guerra mundial foi liberado. Responsable do Partido Comunista de España na Arxentina, a principios dos anos setenta foi enviado polo Partido para reforzar a organización no interior do país, actuando na comarca de Vigo. Integrouse na Federación de Sociedades Gallegas de la República Argentina, da que foi secretario xeral. Foi directivo da Unión Galega, membro do Instituo Arxentino de Cultura Galega do Centro Galego de Buenos Aires e directivo da Sociedade de Porriño. Finou no Sanatorio do Centro galego de Buenos Aires o 16 de xuño de 1980.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Pérez Leira, Lois (2011). Protagonistas de una historia colectiva II. Vigo: Grupo de Comunicación de Galicia en el Mundo. pp. 101–106. ISBN 978-84-938464-4-2.