José Antonio Alonso

Na Galipedia, a Wikipedia en galego.
José Antonio Alonso
Jose Antonio Alonso 061023-F-5586B-014.jpg
José Antonio Alonso Suárez
Datos persoais
Nacemento 28 de marzo de 1960
Lugar España León
Organización PSOE
Profesión Maxistrado

José Antonio Alonso Suárez, nado en León o 28 de marzo de 1960, é un político español.

Traxectoria[editar | editar a fonte]

Amigo da infancia de José Luis Rodríguez Zapatero, con quen compartiu estudos básicos e superiores, estudou a carreira de Dereito na Universidade de León, e converteuse en xuíz en 1985, á temperá idade de 25 anos. En 1989, Alonso foi nomeado xuíz penal en Madrid, e pouco despois, maxistrado da Audiencia Nacional. Entre 1994 e 1998, foi o voceiro de Xuíces para a Democracia, e ten sona de ser un dos máis progresistas. Aínda así, tamén se recoñece que a súa profesionalidade sempre lle permitiu deixar a un lado as súas tendencias políticas ó tomar decisións xudiciais.

Antes das eleccións xerais de 2004, Zapatero, daquela líder do PSOE na oposición, instoulle a optar a un escano no Congreso, que finalmente gañou. Porén, Alonso, malia a ter un escano e ser nomeado Ministro do Interior e logo de Defensa, aínda non ten o carné de membro do Partido Socialista por incompatibilidade coa carreira xudicial.

Casado e cun fillo, Alonso participou en numerosos cursos universitarios e conferencias relacionadas coa linguaxe, a economía, as leis e a historia españolas. De feito, gústalle a filosofía e escribiu varios ensaios políticos.

En abril de 2006, a dimisión de José Bono como Ministro de Defensa levou aparellado o seu nomeamento para o cargo, deixando a carteira de Interior a Alfredo Pérez Rubalcaba. Co inicio da segunda lexislatura de Zapatero, Alonso abandonou o ministerio e fíxose cargo do posto de voceiro do grupo parlamentario socialista.


Predecesor:
Ángel Acebes
Escudo de España.svg
Ministro do Interior

2004 - 2006
Sucesor:
Alfredo Pérez Rubalcaba
Predecesor:
José Bono
Escudo de España.svg
Ministro de Defensa

2006 - 2008
Sucesor:
Carme Chacón
Predecesor:
Diego López Garrido
Voceiro do PSOE no Congreso
2008 - Actualidade
Sucesor:
No cargo