Jim Baxter

Na Galipedia, a Wikipedia en galego.
Saltar ata a navegación Saltar á procura
Jim Baxter
Jim Baxter statue Hill Of Beath.jpg
Información persoal
Nacemento 29 de setembro de 1939
  Hill of Beath
Falecemento 14 de abril de 2001
  Glasgow
Nacionalidade Reino Unido
Posición wing half
editar datos en Wikidata ]

James Currant Baxter, nado o 29 de setembro de 1939 e finado o 14 de abril de 2001 por mor dun cancro, foi un xogador escocés de fútbol.

Traxectoria[editar | editar a fonte]

Nado no lugar de Hill O'Beath, na rexión de Fife comezou a súa carreira coma xogador no equipo do Raith Rovers F.C. para despois cumprir coa etapa de máis importancia na súa carreira ó fichar polo Rangers no 1960 coa idade de 20 anos e cun récord daquela de 17.500 £ pagadas polos seus servizos. No 1965 fichou polo Sunderland A.F.C., no 1967 polo Nottingham Forest F.C. e no 1969 volveu ó Rangers para retirarse na tempada seguinte con tan só 30 anos.

Acadou 34 internacionalidades pola Selección escocesa de fútbol lembrándose especialmente aquela na que tivo unha actuación ben salientable fronte a Inglaterra no 1967 no mítico estadio de Wembley, onde os escoceses foron quen de vencer por 2-3 e o que provocou que se proclamasen a si mesmos campións do mundo por se-la primeira selección en gañalos dende que quedaran campións da Copa do Mundo un ano antes.