Jesús Veiga Fervenza
| Biografía | |
|---|---|
| Nacemento | 11 de xaneiro de 1908  Meira, España |
| Morte | 18 de decembro de 1989 (81 anos) Chile |
| Actividade | |
| Ocupación | sindicalista, pescador |
 | |
Jesús Veiga Fervenza, nado en Meira (Moaña) o 11 de xaneiro de 1908 e finado en San Antonio (Chile) o 18 de decembro de 1989, foi un mariñeiro e sindicalista galego.
Traxectoria
[editar | editar a fonte]Na Segunda República foi o organizador do sindicato Solidaridad Marinera do porto de Moaña, afín á CNT, e colaborou en Solidaridad Obrera co pseudónimo El Duende Pescador. Co golpe de Estado do 18 de xullo de 1936 estivo fuxido. Nos anos corenta estaba embarcado nas parellas de Bouzas e participou con Manuel Rúa na reorganización clandestina da CNT cos mariñeiros de Cangas e Moaña. Foi reclamado mediante requisitoria polo Xulgado Militar de Vigo en agosto de 1947 como encartado na causa 156/47, xunto con José Gómez López, Juan Silveira Correa e Jesús Rodríguez.[1]
En 1947 pasou a Francia e mantivo contactos co interior, especialmente con Desiderio Comesaña Prado. En 1950 emigrou coa familia a Chile. Pasou uns meses en Antofagasta traballando nunha conserveira e despois marchou a Talcahuano, dedicándose a pesca. A mediados dos anos cincuenta instalouse en San Antonio.
Vida persoal
[editar | editar a fonte]Casou con Amelia Martínez Pérez.
Notas
[editar | editar a fonte]- ↑ El Pueblo Gallego, 9-8-1947, p. 2.
Véxase tamén
[editar | editar a fonte]Bibliografía
[editar | editar a fonte]- Fernández, Eliseo; Pereira, Dionisio (2004). Positivas, ed. O anarquismo na Galiza. Santiago de Compostela. p. 264. ISBN 84-87783-79-1.
