Jesús López de Rego
| Jesús López de Rego | |
|---|---|
| Nacemento | 1876 |
| Lugar de nacemento | Santiago de Compostela |
| Falecemento | 1972 |
| Lugar de falecemento | Santiago de Compostela |
| Nacionalidade | España |
| Ocupación | arquitecto |
| [ editar datos en Wikidata ] | |
Jesús López de Rego Labarta, nado en Santiago de Compostela en decembro de 1876 e finado na mesma cidade en 1972, foi un arquitecto galego, autor entre outros edificios do Pazo do Espiño.
Traxectoria[editar | editar a fonte]
Trasladouse a Madrid no ano 1883. Alí estudou a carreira de Arquitectura e traballou durante tres anos, mais en 1905 obtivo unha praza como profesor de Mecánica e Construción Xeral na Escola de Artes e Industrias de Santiago, da que en setembro de 1909 foi nomeado Secretario. De 1912 a 1914 ocupou interinamente a praza de arquitecto municipal, e en 1918 foi nomeado arquitecto diocesán.
Foi vicepresidente da Asociación de Arquitectos de Galicia. A finais dos anos 1920 deixou practicamente o exercicio profesional, para dedicarse ao seu labor docente e de empresario en Automóbiles Santiagueses.