Jafudà Cresques
| Jafudà Cresques | |
|---|---|
 Estatua de Jafudà Cresques na Plaça del Temple de Palma. | |
| Nacemento | 1350 |
| Lugar de nacemento | Xerez da Fronteira |
| Falecemento | 1410 |
| Lugar de falecemento | Barcelona |
| Nacionalidade | Coroa de Aragón |
| Ocupación | cartógrafo e ilustrador |
| Pai | Cresques Abraham |
| [ editar datos en Wikidata ] | |
Jafudà Cresques, nado en Palma en c. 1350, e finado en Barcelona, en 1410 ou 1427, tamén coñecido como Jehudà Cresques, Jaume Ribes e Cresques lo Juheu ("Cresques o Xudeu"),[1], foi un cartógrafo xudeu de orixe mallorquina e, probablemente, o home que coordinou os descubrimentos marítimos da escola naval de Portugal a partir de Sagres, a comezos do século XV.[2][3]
Era o fillo doutro cartógrafo notable, Cresques Abraham, nado en Mallorca. Jafudà frecuentou a corte do rei Pedrp III, Xoán I e Martiño o Humano, onde fixo varios traballos de cartografía: xunto co seu pai, el foi, probablemente, o autor do Atlas catalán de 1375, considerado unha obra mestra de cartografía na Europa medieval. Tamén fixo un mapa do mundo para a sinatura comercial toscana Datini, e recibiu distincións e a protección dos reis de Aragón.
Nado no seo dunha familia xudía, converteuse ó cristianismo[1] como resultado dos saqueos do barrio xudeu de Palma en 1391 e, a continuación, adoptou o nome de Jaume Ribes (Jacobus Ribus, en latín). Como tal, parece que foi quen de ser nomeado coordinador portugués da cartografía da escola naval de Sagres na década de 1420; houbo un tal mestre Jacomé de Mallorca con este cargo. Moitos estudosos cren que era a mesma persoa, pero a cuestión é controvertida.
Notas[editar | editar a fonte]
- ↑ 1,0 1,1 "Cresques lo Juheu"
- ↑ "Jafudà Cresques". L'Enciclopèdia.cat. Barcelona: Grup Enciclopèdia Catalana.
- ↑ Patrimoni a les Illes Balears - Agència de Turisme de les Illes Balears (ATB), Conselleria de Turisme i Esports (ed.). "Cresques Abraham I Jafudà Cresques". Consultado o 2 de decembro de 2017.
