Irmandade do Prendemento de Viveiro

Artigo principal: Semana Santa de Viveiro.

A Irmandade do Prendemento é unha das oito confrarías que existen na Semana Santa de Viveiro.

Características xerais

A Irmandade emprega capa e capirote brancos, con hábito de cor vermella, que leva bordado o emblema. Este está formado pola coroa de espiñas cruzada pola lanza e a esponxa e, no centro, a columna coa soga.

Procesións

Durante a Semana Santa, a Irmandade do Prendemento encárgase de sacar as seguintes procesións:

• Procesión do Prendemento (Xoves Santo)
• Procesión da Paixón (Venres Santo)

Estandarte

O estandarte da Irmandade do Prendemento é obra das monxas Concepcionistas de Viveiro e data do ano 1954. O seu tecido é de veludo granate, sobre o que está bordado en prata os símbolos da Paixón de Cristo, así como motivos florais. Unha elegante grilanda de flores, talos e follas serve de marco ao elemento principal, símbolo da Paixón e mostra a columna e o látego circunscritos na Coroa de Espiñas. Á súa vez, todo este conxunto é atravesado por dúas frechas. No reverso do estandarte, aparece bordada igualmente en fío de prata a inscrición «Irmandade do Prendemento» así como a data de confección en números romanos.