Intrácrino
Intrácrino refírese ao modo de actuación das hormonas que se producen e funcionan dentro dunha célula, regulando eventos intracelulares. Isto significa que a célula se estimula a si mesma por medio da produción dun factor que actúa dentro da propia célula e non sobre receptores da superficie celular.[1][2][3]
Outras veces fálase de sinalización intrácrina cando, simplemente, a hormona actúa sobre receptores do interior da célula (non da superficie), independentemente da orixe da hormona, que podería proceder doutra célula.[1] As hormonas esteroides actúan sobre receptores intracelulares (principalmente nucleares) en zonas distantes do corpo, e por este motivo, poden ser consideradas intrácrinas. Non obstante, en certos casos, os esteroides sexuais producidos localmente exercen a súa acción na mesma célula que os produciu, o cal é unha actuación intrácrina sobre a propia célula.[4] As hormonas peptídicas ou proteicas en xeral actúan como endócrinas, autócrinas ou parácrinas ao unirse a receptores presentes na superficie da célula. Varias hormonas peptídicas/proteicas ou as súas isoformas tamén poden actuar dentro da célula por medio de mecanismos diferentes. Estas hormonas peptídicas/proteicas, que teñen funcións intracelulares, son tamén intrácrinas. O termo 'intrácrino' foi acuñado para referirse a hormonas peptídicas ou proteicas que tamén teñen accións intracelulares.[1][5][6]
Para comprendermos mellor a sinalización intrácrina, compararémola coa parácrina, autócrina e endócrina. Os sistemas autócrinos teñen receptores autócrinos na superficie celular aos que se unen as hormonas en cuestión, as cales foron segregadas pola propia célula. Nos sistemas parácrinos as células das proximidades producen hormonas que chegan á célula onde actúan e cambian o funcionamento de dita célula. Os sistemas endócrinos son aqueles nos que as hormonas producidas por unha células afectan a outras células que están en zonas do corpo moi afastadas da célula que produciu a hormona.
Os efectos producidos polas accións intracelulares denomínanse efectos intrácrinos, mentres que nos producidos ao unirse a receptores da superficie celular son endócrinos, autócrinos ou parácrinos, dependendo da orixe da hormona. Os efectos intrácrinos de certas hormonas peptídicas/proteicas son similares aos que esas mesmas hormonas producen de modo endócrino, autócdino ou parácrino; porén, estes tipos de efectos son diferentes noutras hormonas.
Exemplos de hormonas e factores peptídicos intrácrinos son:
- Péptidos do sistema renina–anxiotensina: anxiotensina II e anxiotensina (1-7).[7][8]
- Factor de crecemento de fibroblastos 2.[9]
- Proteína relacionada coa hormona paratiroide.[10]
Véxase tamén
[editar | editar a fonte]Outros artigos
[editar | editar a fonte]Notas
[editar | editar a fonte]- ↑ 1,0 1,1 1,2 Re RN. Thirty years of intracrinology. Ochsner J. 2014 Winter;14(4):673-80. PMID 25598734; PMCID: PMC4295746.
- ↑ The Free Dictionary intracrine
- ↑ Intracrine - an overview ScienceDirect Topics
- ↑ Labrie, Fernand; Luu-The, Van; Labrie, Claude; Bélanger, Alain; Simard, Jacques; Lin, Sheng-Xiang; Pelletier, Georges (abril de 2003). "Endocrine and Intracrine Sources of Androgens in Women: Inhibition of Breast Cancer and Other Roles of Androgens and Their Precursor Dehydroepiandrosterone". Endocrine Reviews (en inglés) 24 (2): 152–182. PMID 12700178. doi:10.1210/er.2001-0031.
- ↑ Re, RN (abril de 2003). "The intracrine hypothesis and intracellular peptide hormone action". BioEssays 25 (4): 401–9. PMID 12655647. doi:10.1002/bies.10248.
- ↑ Re, RN (xaneiro de 2002). "The origins of intracrine hormone action". American Journal of the Medical Sciences 323 (1): 43–8. PMID 11814142. doi:10.1097/00000441-200201000-00008.
- ↑ Sorensen, V; Nilsen, T; Wiedlocha, A (maio de 2006). "Functional diversity of FGF-2 isoforms by intracellular sorting". BioEssays 28 (5): 504–14. PMID 16615083. doi:10.1002/bies.20405.Singh, VP; Baker, KM; Kumar, R (Apr 2008). "Activation of the intracellular renin–angiotensin system in cardiac fibroblasts by high glucose: role in extracellular matrix production". American Journal of Physiology. Heart and Circulatory Physiology 294 (4): 1675–84. PMID 18296558. doi:10.1152/ajpheart.91493.2007.
- ↑ Kumar, Rajesh; Singh, Vivek P.; Baker, Kenneth M. (xullo de 2007). "The intracellular renin–angiotensin system: a new paradigm". Trends in Endocrinology & Metabolism 18 (5): 208–214. PMID 17509892. doi:10.1016/j.tem.2007.05.001.
- ↑ Okada-Ban, M., Thiery, J. P., & Jouanneau, J. (2000). Fibroblast growth factor-2. The international journal of biochemistry & cell biology, 32(3), 263–267. https://doi.org/10.1016/s1357-2725(99)00133-8
- ↑ Fiaschi-Taesch, NM; Stewart, AF (Feb 2003). "Minireview: parathyroid hormone-related protein as an intracrine factor–trafficking mechanisms and functional consequences". Endocrinology 144 (2): 407–11. PMID 12538599. doi:10.1210/en.2002-220818.
|
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
|