Intoxicación
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2012.) |
_(19879813403).jpg)
- Para outros usos deste termo, véxase Desinformación.
A intoxicación consite nunha serie de síntomas que se producen por exposición, inxestión, incección ou inhalación dunha substancia tóxica.
As intoxicacións accidentais ou as voluntarias debidas ao consumo de medicamentos son as máis frecuentes. Pero practicamente calquera substancia inxerida en grandes cantidades pode ser tóxica. Porén, entre os máis de 12 millóns de produtos químicos coñecidos, menos de 3 000 causan a maior parte das intoxicacións. Os tóxicos máis frecuentes son os produtos industriais, os de uso doméstico, de xardinaría, as drogas, o monóxido de carbono e o alcohol nun uso excesivo.
Os sintomas da intoxicación dependen do produto, da cantidade inxerida e de certas características físicas da persoa que o inxeriu. Algunhas substancias que non teñen toxicidade excesiva poden producir intoxicación por exposición continua. Pero outros, máis tóxicos, basta con que unha gota se deposite sobre a pel para causaren problemas graves.
A gravidade da intoxicación depende da toxicidade do produto, do modo de introdución, da dose inxerida e da idade da vítima. As persoas de idade avanzada e os nenos son particularmente vulnerábeis á intoxicación accidental.
