Instituto de Biodiversidade Agraria e Desenvolvemento Rural
| Instituto de Biodiversidade Agraria e Desenvolvemento Rural | |
|---|---|
 Instituto de Biodiversidade Agraria e Desenvolvemento Rural (IBADER) | |
| Tipo | institución educativa universitaria |
| Data de fundación | 2001 |
| En | Lugo |
| País | Galicia |
| 42°59′32″N 7°32′57″O / 42.99216667, -7.54911111 | |
| Na rede | |
| http://www.ibader.org | |
| [ editar datos en Wikidata ] | |
O Instituto de Biodiversidade Agraria e Desenvolvemento Rural (IBADER) é un Instituto Universitario de Investigación de Carácter Mixto, creado no ano 2001, cuxa sede se atopa na cidade de Lugo. Esta Institución pertence á Universidade de Santiago de Compostela no seu Campus de Lugo. En 2011 estaba conformada, ademais de pola USC, pola Xunta de Galicia (Consellería de Medio Ambiente e Ordenación do Territorio e Consellería do Medio Rural) e mais a Deputación de Lugo.
Obxectivos
[editar | editar a fonte]Os obxectivos xerais da Institución son:[1]
A investigación e innovación en cuestións de planificación e desenvolvemento rural en Galicia profundando nos campos da conservación e xestión da biodiversidade e do medio rural.
- Impulsar novos mercados de traballo para os estudantes de titulacións universitarias
- Facilitar o intercambio de profesorado e estudantes e a colaboración con outros centros, prestando atención aos países hispanoamericanos e centros europeos.
- Estudar e implantar novas posibilidades da planificación e desenvolvemento rural en Galicia
- Converterse nun foro estable para a discusión aberta e divulgación sobre os temas do medio rural galego.
O convenio de creación da Institución aborda catro Unidades de Actuación:
- Investigadora: Unidade encargada da realización de proxectos de I+D+I.
- Docente: Unidade encargada da realización de programas de doutoramento, cursos de posgrao e cursos de formación e reciclaxe.
- Servizos: Unidade orientada ao asesoramento a entidades públicas, empresas e a outras persoas físicas ou xurídicas que o soliciten.
- Difusión: Unidade encargada da distribución e recompilación de documentación bibliográfica, normativas e outros temas de interese para a Institución e as entidades universitarias.
Grupos de investigación
[editar | editar a fonte]Existen 6 grupos de investigación da Universidade de Santiago de Compostela adscritos ao Instituto de Biodiversidade Agraria e Desenvolvemento Rural, contando en conxunto con máis de 70 investigadores[2]:
- GI-1248 – Solos agrícolas e forestais: Dinámica de nutrientes, manexo e utilización de refugallos
- GI-1648 – Sistemas silvopastorais
- GI-1649 – Xestión de residuos orgánicos, fertilización e ecoloxía agraria
- GI-1729 – Recursos zooxenéticos e as súas producións
- GI-1934 – Territorio, Biodiversidade (Te-Bio)