Inés Francisca de Zúñiga

Inés Francisca de Zúñiga

Biografía
Nacemento	século XVII
Morte	1710
Datos persoais
País de nacionalidade	Reino de Galicia
Outro
Título	Condado de Monterrei (1653–1710)
Cónxuxe	Juan Domingo Méndez de Haro y Fernández de Córdoba
Pais	Fernando de Fonseca  e Isabel de Zúñiga Fonseca

Inés Francisca de Zúñiga foi unha nobre galega da Casa de Zúñiga, VII condesa de Monterrei. Foi tamén IV condesa de Ayala, IV condesa de Fuentes de Valdeperro, II marquesa de Tarazona e baronesa de Maldeghein.

Traxectoria

Despois da morte sen descendeincia do seu tío Manuel de Zúñiga Acevedo, VI conde de Monterrei, o título acabou recaendo nela ao ser a única pretendente adulta cunha reclamación sólida ao título.

Casou en 1657 con Juan Domínguez de Haro, fillo do valido de Filipe IV Luis Méndez de Haro y Guzmán. Acompañou o seu marido en Bruxelas entre 1670 e 1675 mentres este foi gobernador dos Países Baixos españois. Despois da morte do rei Carlos II, mostraron o seu apoio ao pretendente dos Habsburgo, o arquiduque Carlos.

Inés Francisca morreu sen descendencia en 1710, durante a Guerra de Sucesión Española. O condado de Monterrei e os seus outros títulos pasaron entón a súa sobriña política, Catalina de Haro y Enríquez, esposa de Francisco Álvarez de Toledo Silva, X duque de Alba.

Predecesor: Manuel de Zúñiga Acevedo

Condesa de Monterrei 1653 - 1710

Sucesor: Catalina de Haro Guzmán

Véxase tamén

Bibliografía

• González Cuerva, Rubén (2018). La herencia del crédito. La marquesa de Tarazona y el legado de Don Baltasar de Zúñiga (PDF).