Illa de Sazan

Na Galipedia, a Wikipedia en galego.
Saltar ata a navegación Saltar á procura

Coordenadas: 40°29′37″N 19°16′50″L / 40.49361, -19.28056

Illa de Sazan dende o porto de Vlorë.

A illa de Sazan (en albanés: Sazani; en italiano: Saseno; en grego Σάσων) é unha pequena illa estratexicamente localizada á entrada da baía de Vlorë, en Albania. A illa ten unha superficie de 5 km² e está deshabitada. No presente utilízase para prácticas militares.

Historia[editar | editar a fonte]

A illa coñecíase na Antigüidade co nome de Saso. Durante a Idade Moderna, a illa pertenceu orixinalmente a Venecia. A illa pasou a formar parte do Protectorado de Inglaterra tralas guerras napoleónicas, formando parte das posesións de Inglaterra no mar Xónico. A illa cedeuse a Grecia, xunto co resto das illas xonias en 1864. Trala segunda guerra balcánica (1913), Italia e Austria presionaron a Grecia para que evacuase a illa ó sur de Albania. Considerándoa de pouca importancia estratéxica, Grecia evacuou a illa, que volveu ser ocupada por Italia o 30 de outubro de 1914. Baixo o goberno italiano converteuse nunha base militar, sendo ratificada o 26 de abril de 1915, como parte do segredo Tratado de Londres.

Trala primeira guerra mundial, Albania cedeu formalmente a illa a Italia o 2 de setembro de 1920 como parte do protocolo albano-italiano.

A illa foi devolta a Albania o 10 de febreiro de 1947, cumprindo os tratados que garantían o fin da segunda guerra mundial.

Véxase tamén[editar | editar a fonte]