Illa de Lewis

Na Galipedia, a Wikipedia en galego.
Para outros usos de Lewis véxase Lewis (homónimos)
Illa de Lewis
Vista da illa
Datos
Capital Stornoway
País Reino Unido
Localización Océano Atlántico
Arquipélago Hébridas
Linguas Inglés, gaélico escocés
Poboación (2001) 18.489 hab.
Superficie 1.769 km²
Densidade
Coordenadas 58°13′12.59″N 6°22′58.84″O / 58.2201639, -6.3830111Coordenadas: 58°13′12.59″N 6°22′58.84″O / 58.2201639, -6.3830111
Maior Altura 575 m. Mealasbhal
Localización
Localización da illa

A illa de Lewis (Leòdhas en gaélico escocés), é a parte setentrional da illa máis grande das illas Hébridas Exteriores, o maior dos arquipélagos escoceses. A parte meridional da illa chámase Harris (Na Hearadh). Os dous nomes con todo refírense as dúas partes da mesma illa. Lewis é tamén a parte máis baixa da illa.

Xeografía[editar | editar a fonte]

A cidade principal de Lewis, a única cidade das Hébridas Exteriores, é Stornoway (Steòrnabhagh), pola que se cruza a Ullapool xa na Escocia británica. No censo de 2001 Lewis tiña unha poboación xeralmente residente de 16.872 habitantes.

Relixión[editar | editar a fonte]

A relixión é importante en Lewis, e a maior parte da poboación pertence á Igrexa Libre de Escocia e á Igrexa de Escocia (ambas as dúas presbiterianas. O Sabbath (ou sexa, o domingo) obsérvase xeralmente coa maioría das tendas e servizos pechados, o que non é frecuente no Reino Unido, se ben algunhas comunicacións co resto de Escocia se seguen mantendo. Tamén existen templos católicos, mormóns e das Testemuñas de Xehová.

Lingua[editar | editar a fonte]

Como en todas as Hébridas Exteriores, son oficiais administrativamente o inglés e o gaélico escocés, que é ademais unha das linguas de tradición histórica na comunidade, a canda o nórdico, xa extinto. Porén, tanto o antigo nórdico coma o gaélico teñen influído moito na fala inglesa, e por veces a lingua inglesa de Lewis soa máis a inglés de Irlanda que ao que habitualmente se escoita en Escocia. O 60% dos habitantes de Lewis falan o gaélico, mentres que un 70% poden lelo, escribilo ou entendelo.

Sitios históricos[editar | editar a fonte]

A illa de Lewis ten unha variedade de localizacións do interese histórico e arqueolóxico incluíndo:

  • Pedrafitas de Callanish;
  • Carloway Dun Broch;
  • As casas negras de Garenin (Na Gearannan), preto de Carloway e a casa negra en Arnol;
  • Igrexa de San Columba en Aignish;
  • Teampull Mholuaidh en Ness;
  • Castelo de Lews;
  • Dùn Èistean.