Ilia Petrovich Krivosheev

Na Galipedia, a Wikipedia en galego.
Ilia Petrovich Krivosheev
Nacemento19 de xullo de 1898
Lugar de nacementoLopatinsky District
Falecemento11 de setembro de 1967
SoterradoIchalki
Ocupaciónpoeta
editar datos en Wikidata ]

Ilia Petrovich Кrivosheev (publicou co pseudónimo literario de Илька Морыця[1]), nado o 19 de xullo de 1898 no casal de Маya e finado o  11 de setembro de 1967 en Itsialo, foi un escritor mordoviano en lingua erzya[2] .

Traxectoria[editar | editar a fonte]

Naceu nunha granxa[3][4] na entón provincia de Saratov e agora situada no óblast de Penza. Súa nai era Efimiya Petrovna, unha gran narradora oral. Estudou no Instituto Pedagóxico de Kazán e ao rematar entrou no exército en plena gran guerra. Tras o remate da contenda traballou como mestre, durante a guerra civil serviu no Exército Vermello e logo deu clases de erzya na súa localidade natal e entre 1929 e 1934 en Saransk[5].

Actividade literaria[editar | editar a fonte]

Comezou a escribir poesía xa nos anos de estudante en Kazán.  En 1923 publicou na revista Якстере сокиця os seus primeiros poemas orixinais en erzya «Пакшатненень» , «Большевикень вал» e mais «Лавсень моро». Ao longo da década de 1920 as súas poesías publicáronse en «Якстере теште» de Moscova e  «Од эрямо» de Novosibirsk. En 1929 publicouse en Moscova «Васень сяткт», unha escolma de poetas erzya con varios poemas de Krivosheev dedicados á vida rural, á natureza e á infancia.

En 1933 publicou o seu primeiro libro «Коммунань толт», unha colección da súa poesía publicada por «Молодая гвардия» издательствасо. E nese ano pareceu en Saransk o segundo  «Валскень зорява». Os dous constitúen unha afirmación do novo xeito de vida soviético. Ao longo da década de 1930 a súa poesía céntrase nas paisaxes e na vida infantil. Durante a guerra publicou en 1943 «Народонь вайгель», con poesía na que gaba a grandeza espiritual do pobo soviético, o heroísmo dos soldados na fronte e dos traballadores nas fábricas e campos.

Na posguerra continuou a publicar coleccións de poesías, ata totalizar vinte libros publicados Монь ким ( 1946), Тундонь сад (1952), Монь Родинам (1954), Избранное (en ruso, 1955), Стихть ды поэмат (1958), Славан эрямонть ( 1963), Кеман эрямос ( 1967), Морамонь ким ( 1968)

Notas:[editar | editar a fonte]

  1. Библиотека Мордовской литературы: Кривошеев Илья Петрович (Илька Морыця)(en ruso)
  2. ЛИТЕРАТУРНОЕ ТВОРЧЕСТВО ЗУБОВОПОЛЯНЦЕВ (en ruso)
  3. Большая советская энциклопедия: Кривошеев Илья Петрович (en ruso)
  4. МАЯК Лопатинского района Пензенской области Arquivado 07 de agosto de 2018 en Wayback Machine. (en ruso)
  5. Городские рейтинги. Самые древние жилые дома Саранска (en ruso)