Igrexas de San Pedro de Terrasa
Igrexas de San Pedro de Terrasa | |
---|---|
País | España |
Coordenadas | 41°34′01″N 2°01′07″L / 41.566944444444, 2.0186111111111Coordenadas: 41°34′01″N 2°01′07″L / 41.566944444444, 2.0186111111111 |
Diocese | Diocese de Terrassa e Diocese of Egara |
Estilo | arquitectura románica |
[ editar datos en Wikidata ] |
As igrexas de San Pedro de Terrasa (en catalán: esglésies de Sant Pere de Terrassa) son un conxunto monumental formado polas igrexas románicas de San Pedro, San Miguel e Santa María, situadas na confluencia dos torrentes de Vallparadís e Monner, no antigo núcleo visigodo de Ègara, orixe da vila de Sant Pere de Terrassa, hoxe un barrio da cidade.
Son testemuñas da sé episcopal do bispado de Ègara, constituído contra o ano 450.[1] Sobre unha basílica paleocristiá construíuse a antiga Catedral de Ègara. Cando o bispado desapareceu no século VIII, o conxunto foi perdendo poder e a antiga catedral foi reconstruída cunhas dimensións moito máis cativas, xa de factura románica. O espazo é ocupado pola igrexa de Santa María, do século XII, onde se instalou unha canónica augustiniana proveniente da abadía de Ruf de Aviñón, en Francia, que ficaría até o 1592.
A igrexa de San Pedro, parroquia de Terrasa, perdeu a condición parroquial no ano 1601, cando o priorado e a parroquialidade foron trasladadas ó Santo Espírito de Terrassa, malia que a recuperou no século XIX. No primeiro terzo do século XX as tres igrexas foron obxecto de estudo e restauración por parte de Josep Puig i Cadafalch, que tamén fixo escavacións en Santa María e San Miguel. O conxunto foi declarado monumento nacional en 1931 e ben de interese historicoartístico en 1985.
Notas
[editar | editar a fonte]- ↑ Generalitat de Catalunya (ed.). "Acord de Govern: El conjunt de les esglésies de Sant Pere de Terrassa rebran més d'1 milió d'euros per treballs de restauració". web. Arquivado dende o orixinal o 08 de decembro de 2015. Consultado o 29 de novembro de 2015.