Igrexa de San Martiño de Tours de Belchite

Igrexa de San Martiño de Tours.

A igrexa de San Martiño de Tours foi unha igrexa católica situada no concello aragonés de Belchite (provincia de Zaragoza). Actualmente consérvase en ruínas, tras ser destruída en 1937 durante a Guerra Civil Española.

Historia

Foi construída nas primeiras décadas do século XV, aínda que con posterioridade, entre 1550 e 1560, sufriu algunhas reformas. Entre estas destacaron a elevación da nave, a construción dunha galería superior, o cegamento dalgúns vans e a apertura doutros novos, así como a decoración exterior da ábsida. Ademais no século XVIII ampliouse a nave cun tramo máis aos pés, modificáronse algunhas capelas laterais e construíuse a portada monumental.

Características

A igrexa atópase actualmente en ruína debido aos efectos da Guerra Civil Española durante a Batalla de Belchite e ao estado total de abandono ao que se viu sometida durante as décadas posteriores. Tanto a igrexa como a torre teñen un basamento de perpiaño, aínda que o resto da construción está realizada en ladrillo. Orixinalmente se trataba dunha igrexa gótico-mudéxar con ábsida poligonal e nave única cuberta con bóvedas de crucería, sometida ás citadas ampliacións e reformas. A torre, acaroada ao lado meridional da igrexa, ten planta cadrada e estrutura de alminar almohade con machón central.

Exteriormente aparece dividida en tres pisos, o primeiro non presenta apenas decoración mentres que no segundo obsérvanse diversos motivos de tradición mudéxar como zig-zags, esquiniñas, rombos... por outro lado, o terceiro piso, que cumpría a función de corpo de campás, foi o máis danado polos bombardeos, aínda que aínda se mantén o chapitel piramidal como remate.

Foi declarada Ben de Interese Cultural.