Ignacio García Mallo

Ignacio García Mallo
Biografía
Nacemento	20 de febreiro de 1960 (66 anos); Vigo
Altura	1,82 m.
Actividade
Ocupación	futbolista
Deporte	fútbol
Posición de xogo	Porteiro

Ignacio García Mallo, coñecido simplemente como Mallo, nado en Vigo o 20 de febreiro de 1960, é un exfutbolista galego, que xogaba como porteiro.

Traxectoria

Tras militar nos equipos xuvenís do Alerta e do Traviesas,^[1]^[2] xogou durante dúas tempadas co Gran Peña na Terceira División, antes de fichar en 1980 polo Compostela, de Segunda División B.^[3] Foi titular durante tres tempadas no equipo santiagués, ás ordes de José López nas dúas primeiras e de Carrió na última, sendo o gardameta elixido por diante doutros como Carlos ou Dosi, e converténdose nun dos mellores porteiros da categoría.^[3]

A finais da tempada 1982/83 foi traspasado ao Mallorca, da Segunda División, debutando na categoría da man de Lucien Muller na derradeira xornada ante o Real Madrid Castilla, partido no que o equipo balear certificou o seu ascenso á Primeira División. Na seguinte campaña competiu co vasco Zubeldia pola titularidade, debutando na máxima categoría na 12ª xornada, con Serra Ferrer como técnico. Foi nun partido ante o Real Madrid no estadio Lluís Sitjar, no que recibiu dous goles de Santillana e Gallego, perdendo o seu equipo por 0-2.^[4]

O Mallorca acabou descendendo ao remate da tempada, pero conseguiu subir de novo a Primeira na 1985/86. Mallo permaneceu durante seis anos no club, acumulando 102 partidos, 23 deles na máxima categoría. Posteriormente militou na Segunda División B, vestindo as camisetas da Cultural Leonesa, o Ceuta, o Córdoba e o Ourense.

Notas

↑ Costa, Juan A. (5 de marzo de 1977). "El portero". El Pueblo Gallego (en castelán) (19977). p. 21. Consultado o 10 de xuño de 2023.
↑ "Mallo, un portero codiciado". El Pueblo Gallego (en castelán) (20382). 21 de xullo de 1978. p. 19. Consultado o 10 de xuño de 2023.
1 2 "Mallo será probado por el At. de Madrid". La Voz de Galicia (en castelán). 15 de abril de 1981. p. 30.
↑ "El Mallorca no pudo nunca con el Madrid". La Voz de Galicia (en castelán). 21 de novembro de 1983. p. 20.

[1] Costa, Juan A. (5 de marzo de 1977). "El portero". El Pueblo Gallego (en castelán) (19977). p. 21. Consultado o 10 de xuño de 2023.

[2] "Mallo, un portero codiciado". El Pueblo Gallego (en castelán) (20382). 21 de xullo de 1978. p. 19. Consultado o 10 de xuño de 2023.

[:0-3] 1 2 "Mallo será probado por el At. de Madrid". La Voz de Galicia (en castelán). 15 de abril de 1981. p. 30.

[4] "El Mallorca no pudo nunca con el Madrid". La Voz de Galicia (en castelán). 21 de novembro de 1983. p. 20.

[1]

[2]

[3]

[4]