I Don't Know How She Does It

I Don't Know How She Does It
Ficha técnica
Título orixinal	I Don't Know How She Does It
Director	Douglas McGrath
Produtor	Donna Gigliotti Allison Pearson Bob Weinstein Harvey Weinstein
Guión	Aline Brosh McKenna
Baseado en	I Don't Know How She Does It (novela de Allison Pearson)
Intérpretes	Sarah Jessica Parker Pierce Brosnan Greg Kinnear Christina Hendricks Seth Meyers Jane Curtin
Música	Aaron Zigman
Montaxe	Kevin Tent Camila Toniolo
Distribuidora	Weinstein Company
Estrea	2011
Duración	95 min.
Orixe	Estados Unidos
Xénero	Comedia romántica
Orzamento	$24 000 000
Na rede
http://www.howshedoesitmovie.com/

I Don't Know How She Does It é unha comedia romántica estreada o 16 de setembro de 2011 en Estados Unidos. Protagonizada por Sarah Jessica Parker, Pierce Brosnan e Greg Kinnear, dirixida por Douglas McGrath, está baseada na novela de título homónimo de Allison Pearson.

Sinopse

Kate Reddy (Sarah Jessica Parker) é unha muller que traballa nunha importante compañía financeira en Boston e que ao caer a noite regresa á súa casa xunta dos seus dous fillos pequenos e o seu marido Richard (Greg Kinnear), un arquitecto que acaba de perder o seu emprego. A mellor amiga e compañeira de traballo de Kate, Allison Henderson (Christina Hendricks), vive exactamente a mesma complicada situación de tratar de conciliar a vida laboral e familiar.

O problema vén cando Kate recibe un encargo no traballo que a levará a realizar numerosas viaxes á cidade de Nova York cando o seu home Richard consegue o emprego que sempre desexou, e a situación laboral de ambos fará que o matrimonio se distancie. A situación verase agravada cando o novo compañeiro de Kate, o atractivo Jack Abelhammer (Pierce Brosnan), se converta nunha inesperada tentación que a fará dubidar da súa vida conxugal.

Elenco

Sarah Jessica Parker como Kate Reddy.

Pierce Brosnan como Jack Abelhammer.

• Sarah Jessica Parker como Kate Reddy.
• Pierce Brosnan como Jack Abelhammer.
• Greg Kinnear como Richard Reddy.
• Christina Hendricks como Allison Henderson.
• Seth Meyers como Chris Bunce.
• Jane Curtin como Marla Reddy.

Produción

Rodouse entre o 11 de xaneiro e o 31 de marzo de 2011, integramente na cidade de Nova York, Estados Unidos.

Véxase

Ligazóns externas

• I Don't Know How She Does It na IMDb (en inglés).
• Tráiler (en inglés)