Hiawatha

Na Galipedia, a Wikipedia en galego.
Saltar ata a navegación Saltar á procura
Hiawatha
Hiawatha by Augustus Saint-Gaudens 03.jpg
Nacementovalor descoñecido
Lugar de nacementovalor descoñecido
Falecementovalor descoñecido
Soterradovalor descoñecido
Ocupaciónpolítico e orador
Na rede
Find a Grave: 6872698 Editar o valor em Wikidata
editar datos en Wikidata ]
Hiawatha por Thomas Eakins, c. 1874. 

Hiawatha (Haiëñ'wa'tha),[1] tamén coñecido como Ayenwathaaa ou Aiionwatha, foi un líder indíxena e cofundador da Confederación Iroquesa. Era un dirixente do pobo onondaga, ou do pobo mohawk, ou de ambos. Segundo algunhas teorías, naceu entre os onondaga mais foi adoptado polos mohawk.

A Confederación Iroquesa[editar | editar a fonte]

Dentro da Confederación Iroquesa, que contaba orixinalmente con cinco tribos (mohawk, onondaga, oneida, cayuga e seneca), Hiawatha foi o líder da tribo mohawk. Alí era moi coñecido por todas as tribos. Era un grande orador, e eventualmente converteríase no representante do Gran Pacificador. O Gran Pacificador era un home que esperaba estender a paz por todo o Territorio Haudenosaunee (Iroqués). Debido ao feito de que tiña un grave impedimento para a fala, o Gran Pacificador necesitaba un voceiro. Hiawatha estaba disposto a falar en nome de Dekanawidah porque a violencia se desenvolvía en todo o territorio iroqués. Durante estes tempos de caos, un líder chamado Tadodaho, que desprezaba a idea da paz, matou á muller e ás fillas de Hiawatha. Despois, Hiawatha converteuse no orador do Pacificador, para que puidese deter a violencia. Dewanawidah e Hiawatha finalmente conseguiron a paz en todos os iroqueses prometendo a Tadodaho que Onondaga se convertería na capital do Gran Consello, o principal órgano de goberno dos iroqueses. Hiawatha e Dekanawidah crearon a Gran Lei da Paz, rexistrada nos cintos wampum, para solidificar o vínculo entre as cinco nacións orixinais dos iroqueses.

Entre os nomes dos cincuenta Hoyenah (sachems) tradicionais dos Haudenosaunee, Hiawatha (entre outros) é un representante dos Mohawk, e Tadodaho dos Onondaga.[2]

Notas[editar | editar a fonte]

  1. Bright, William (2004). Native American Place Names of the United States. Norman: University of Oklahoma Press. p. 166. ISBN 0-8061-3576-X. 
  2. Morgan transcríbeos como Hä-yo-went′-ha e To-do-dă-ho.

Véxase tamén[editar | editar a fonte]

Bibliografía[editar | editar a fonte]