Harmónico

Na Galipedia, a Wikipedia en galego.

En acústica, o harmónico ou ton parcial é o son producido nunha vibración complexa por unha das partes do corpo vibrante. As frecuencias dos harmónicos son múltiplos enteiros da frecuencia do ton fundamental.

Na fonación, por exemplo, as vogais prodúcense por un reforzo de certos harmónicos ou por un reforzo do ton fundamental da vibración larínxea através das cavidades vocais da mesma frecuencia. Ese reforzo torna audíbeis as ondas sonoras producidas na larinxe e determina o timbre particular de cada son.