HMS Lion (1910)

Na Galipedia, a Wikipedia en galego.
HMS Lion
LionSP 001672.jpg
O HMS Lion
Historial Naval Ensign of the United Kingdom.svg
Clase Lion
Tipo cruceiro de batalla
Posta en grella 29 de novembro de 1909
Botado 6 de agosto de 1910
Asignado 4 de xuño de 1912
Baixa 30 de maio de 1922
Destino vendido para o desguace o 31 de xaneiro de 1924
Características xerais
Eslora 213,4 m
Manga 27 m
Calado 9,9 m

O HMS Lion foi un cruceiro de batalla da Royal Navy, o principal barco da súa clase. Tiña significativas melloras con respecto aos seus predecesores da clase Indefatigable en termos de velocidade, armamento e blindaxe. Os barcos da clase Lion eran 2 nos máis rápidos, cambiaron os canóns de 305 mm dos barcos máis vellos polo mesmo número de canóns de 343 mm, e tiña un cinto na liña de frotación de 229 mm de espesor contra os 152 mm da clase Indefatigable. Esta foi a respota aos primeiros cruceiros de batalla alemáns, a clase Moltke, que eran máis grandes e potentes que os primeiros británicos, a clase Invincible.

O Lion servíu como buque insignia dos cruceiros de batalla da Grand Fleet durante a Primeira Guerra Mundial, agás cando estivo sendo reacondicionado ou reparado. Afundíu ao cruceiro lixeiro alemán Cöln durante a batalla de Heligoland e servíu como buque insignia do vicealmirante Beatty nas batallas do banco Dogger e Xutlandia. Foi seriamente danado na primeira desas batallas e tivo que ser remolcado polo cruceiro de batalla Indomitable para regresar a porto, onde estivo en reparación durante dous meses. Durante a batalla de Xutlandia tivo un grave incendio que puido destruír o barco pero grazas ao home ao mando da torreta incendiada, que mandou inundar o polvorín, o buque salvouse. O lume destruíu unha torreta que tivo que ser retirada para reconstruíla e o barco pasou varios meses en reparación. Pasou o resto da guerra en patrullas se incidentes no mar do Norte, aínda que proporcionou cobertura a distancia na segunda batalla de Heligoland en 1917. Pasou á reserva en 1920 e foi vendido para o desguace en 1924 baixo os termos do Tratado naval de Washington.