Härjedalen é unha provincia histórica sueca (landskap) no centro do país, na rexión de Norrland. Limita ao sur con Dalarna, ao oeste con Noruega, ao norte con Jämtland e ao leste con Medelpad e Hälsingland. Härjedalen é o landskap menos poboado de Suecia, con algo menos de 9 680 habitantes en 2021,[1] e o 12º máis grande en superficie, con 11 954 km².
Härjedalen foi anteriormente unha parte do Trøndelag e constitúe unha área histórica norueguesa. Ás veces a Härjedalen e Jämtland chámaselles de xeito informal Öst-Tröndelag. A provincia pasou a mans suecas pola Paz de Brömsebro en 1645, pero a súa orientación occidental e a falta doutras cidades, fixeron de Røros en Trøndelagen (Noruega) o centro comercial máis próximo.
