Gurdial Singh

Na Galipedia, a Wikipedia en galego.
Saltar ata a navegación Saltar á procura
Gurdial Singh
Nacemento10 de xaneiro de 1933
 Jaitu
Falecemento16 de agosto de 2016
 Bathinda
NacionalidadeIndia e Raj Británico
Ocupaciónescritor e guionista
Coñecido/a porAdh Chanani Raat
PremiosSahitya Akademi Award, Jnanpith Award e Padma Shri in literature & education
editar datos en Wikidata ]

Gurdial Singh Rahi (punjabi: ਗੁਰਦਿਆਲ ਸਿੰਘ), nado en Bhaini Fateh o 10 de xaneiro de 1933 e finado en Bathinda o 16 de agosto de 2016, foi un escritor en punjabi da India.

Traxectoria[editar | editar a fonte]

Primeiros anos[editar | editar a fonte]

Naceu nunha pequena localidade preto de Jaitu no Punjab británico. Seu pai Jagat Singh, era carpinteiro e súa nai, Nihal Kaur, ama de casa.[1] Gudial empezou traballar como carpinteiro aos 12 anos para axudar á súa familia .[1] Seguiu a estudar mentres traballaba, e cando tiña 14 anos casou con Balwant Kaur. En 1962 era mestre de escola en Nandpur Kotra mentres estudaba inglés e historia na universidade.[1]

Literatura[editar | editar a fonte]

En 1957[1] publicou o seu primeiro relato, "Bhaganwale" na revista Panj Darya, e seguiron outros que publicou en Preetlari. A súa primeira novela, Marhi Da Deeva, editada en 1964 consagrouno como un autor recoñecido tanto pola crítica como polo público[2], converténdose nun dos principais novelistas en punjabí con títulos como Anhoe (1966), Addh Chanani Raat (1972), Anhe Ghore Da Daan (1976) e Parsa (1991). Tamén publicou coleccións de relatos: Saggi Phull (1962), Kutta Te Aadmi (1971), Begana Pind (1985) e Kareer Di Dhingri (1991) e as autobiografías Neean Mattiyan (1999) e Dojee Dehi (2000) publicada en dúas partes. Moita da súa obra trata dos marxinados no Punjab rural cun uso intenso do dialecto malwai.[3] Escribiu tamén relatos para nenos e algunhas das súas novelas leváronse ao cine.[4] Gañou algúns dos premios literarios máis prestixiosos da India como o Sahitya Akademi (1975), Padma Shri (1998) e o Jnanpith (2000).[5]

Notas[editar | editar a fonte]

  1. 1,0 1,1 1,2 1,3 "Life’s own voice". 18 de marzo de 2000. 
  2. Tarasema, Amara e Sushil, Kumar (2006). Re-readings of Gurdial Singh's Fiction. Chandigarh: Unistar Books. pp. viii. 
  3. "Much-feted Punjabi writer Gurdial Singh passes away at 83". Hindustan Times. 16 de agosto de 2016. 
  4. "Jnanpith awardee, Punjabi writer Gurdial Singh dies at 83". The Tribune. 16 de agosto de 2016. 
  5. Dutt, Nirupama Dutt (17 de agosto de 2016). "Gurdial Singh (1933-2016): Man who gave Punjabi fiction its first Dalit hero". Hindustan Times.