Guillermo Paredes Viñas

Na Galipedia, a Wikipedia en galego.
Saltar ata a navegación Saltar á procura
Guillermo Paredes Viñas

Guillermo Paredes Viñas, coñecido como Guillermo da Canteira, nado en Ulloa (Palas de Rei) en 1913, foi un guerrilleiro antifranquista galego.

Traxectoria[editar | editar a fonte]

Traballaba nas minas de Asturias en 1936. Co golpe de Estado do 18 de xullo de 1936 incorporouse ao exército leal. Cando caiu a fronte de Asturias tratou de volver a Ulloa, pero foi capturado en Guntín de Pallares. Xulgado, foi condenado a trinta anos e traballou nas minas de Fabero de onde escapou en febreiro de 1941 con Ovidio Álvarez, Ovidio Ferreras Rodríguez e Dionisio Gómez López. Fuxiron cara Lugo, e antes de chegar prenderon a Ovidio Ferreras. Conseguiron chegar a Toques, onde se fixeron con escopetas. Ao remate do verán de 1941 asaltan a taberna de Ramón Blanco González en Cuíña (Palas de Rei), o 17 de novembro dan outro golpe económico na taberna de Antonio Rodríguez García en San Mamede do Carballal e o 29 do mesmo mes hai un intento, frustrado polos veciños, de secuestrar o dono dun comercio no Castro das Seixas (Merlán). Perseguidos pola garda civil, a Dionisio Gómez López dispáraselle a escopeta e ferido nunha perna, foi capturado pola forza pública e trasladado ao depósito de Palas de Rei onde morreu o 3 de xaneiro de 1942.

Guillermo integrouse na guerrilla e foi procesado na causa sumarísima 546/46 de León por un delito contra a seguridade do estado xunto con Marcelino de la Parra Casas e outros antigos membros da Federación de Guerrillas de León-Galicia.[1]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]