Gold Coast, Florida
Gold Coast (en)  | |||
| Localización | |||
|---|---|---|---|
| Estado | Estados Unidos de América | ||
| Estado federado | Florida | ||
| Área estatística metropolitana | Região Metropolitana do Sul da Flórida (pt)  | ||
Gold Coast é unha rexión vernácula dos Estados Unidos do estado de Florida. Localízase na costa atlántica de Florida do Sur, incluíndo as cidades de Miam, Fort Lauderdale e West Palm Beach, aínda que a súa definición cambiou co tempo. É unha das rexións vernáculas floridanas máis coñecidas, facendo referencia o nome ao estilo de vida desenvolvido e luxoso que din que caracteriza á zona.
Historia[editar | editar a fonte]
Gold Coast é unha das varias rexións vernáculas chamadas "Costas" en Florida, incluíndo Space Coast, Treasure Coast, Emerald Coast, Costa Natural, Forgotten Coast, Florida Suncoast e First Coast. Como moitas das outras, semella que tivo a súa orixe no tempo no que a área tivo o seu primeiro gran crecemento[1]. Foi creada na época na que os investigadores Ary Lamme e Raymond Oldakowski fixeron a enquisa de 1982 sobre as rexións vernáculas de Florida, que salientaron que o nome referíase "ao alto custo da vida nesas áreas, así como o supostamente fastoso estilo de vida"[2]. Nese tempo, os enquisados desde Dade County (agora Miami-Dade), na parte sur, a través dos condados de Broward e Palm Beach, ata o condado máis ao norte de Martin, identificaban a súa área co nome de Gold Coast[2].
Unha nova enquisa levada a cabo no 2007 polos mesmos autores demostrou que Gold Coast seguía a ser unha das rexións de Florida mellor coñecidas do Estado, pero viuse reducida fundamentalmente a Miami-Dade e Broward Counties, correspondente á área de Miami-Fort Lauderdale. A xente dos condados de Palm Beach e Martin preferentemente identificaban as súas zonas como parte dunha nova rexión: Treasure Coast, na que tamén estaban os condados de Saint Lucie e Indian River. Lamme e Oldakowski observaron que o Condado de Palm Beach aínda formaba parte de Florida do Sur e da Área Metropolitana de Miami. Suxeriron que as connotacións negativas que acompañaban a Gold Coast e o desexo de distinguir conceptualmente a súa área da de Miami, foi o que quizais motivou a aparición de Treasure Coast.[2]
Notas[editar | editar a fonte]
- ↑ (Lamme & Oldakowski 2007, p. 330–331)
- ↑ 2,0 2,1 2,2 (Lamme & Oldakowski 2007, p. 331)
Véxase tamén[editar | editar a fonte]
Bibliografía[editar | editar a fonte]
- Lamme, Ary J.; Oldakowski, Raymond K. (2007). University of North Carolina Press, ed. "Spinning a New Geography of Vernacular Regional Identity: Florida in the Twenty-First Century". Southeastern Geographer (en inglés) 47 (2). pp. 320–340. doi:10.1353/sgo.2007.0029.
