Florida Suncoast
A Costa do Sol (inglés: Florida Suncoast) é unha rexión vernácula de Florida, nos Estados Unidos, que designa á costa peninsular do centro-oeste, tamén coñecida como a Praia de Florida (Florida's Beach). Foi creada cunha intención de promoción turística da rexión, substituíndo á antiga denominación de Costa dos Piratas (Pirate Coast).
A rexión dispón de máis de 55 quilómetros de praias e unha vintena de illas de barreira no golfo de México, e moitos días soleados nos meses invernais, desde principios de decembro a maio. De feito, o Libro Guinness dos Récords sinala que a cidade de Saint Petersburg ten o récord de maior número consecutivo de días soleados con 768 días, desde o 9 de febreiro de 1967 ata o 17 de marzo de 1969[1]. A área ten sido tradicionalmente asociada á gran poboación xubilada do Medio Oeste norteamericano, que son alcumados "snow birds" (paxaros das neves), xente que durante os meses de inverno veñen dos estados do norte para establecerse no Cinto do Sol. Esta rexión contén tres das praias máis famosas dos Estados Unidos: Caladesi Beach, DeSoto Beach e Siesta Key Beach. Máis ao sur da rexión encóntrase o Parque Nacional dos Everglades, mentres que ao norte a rexión está chea de zonas inundadas, de marismas e mangleirais.
O nome da rexión foi acuñado en 1952 en Saint Petersburg polo Maior Samuel G. Johnson[2].
Cidades e condados
[editar | editar a fonte]A rexión da Costa do Sol está limitada ao norte pola localidade de Tarpon Springs e pola de Naples ao sur. A rexión inclúe as cidades do centro-oeste de Florida de Saint Petersburg, Clearwater, Largo, Tarpon Springs, Tampa, Brandon, Ruskin, Sarasota, Bradenton, Punta Gorda, Englewood, Cape Coral, Fort Myers Beach, Venice e Naples. Moitas das poboacións de praia do golfo de México son cidades individualmente incorporadas, como Saint Pete Beach, Treasure Island, Madeira Beach e Indian Rocks Beach. Unha excepción é Clearwater Beach, que forma parte da cidade de Clearwater.
Espazos acuáticos
[editar | editar a fonte]Dentro da Costa do Sol atópanse tres espazos acuáticos cunha especial relevancia[3]:
- A Baía de Sarasota, un estuario e lagoa costeira que continúan ao sur da Baía de Tampa Baixa
- A Baía de Tampa Baixa e a Baía de Terra Ceia, que son as terras pertencentes ao Condado de Manatee que forman parte do maior estuario de augas abertas de Florida
- O Río Manatee
Notas
[editar | editar a fonte]- ↑ (Henthron & 3-7-2014)
- ↑ Segundo un artigo publicado o 2 de febreiro de 1986 no Lakeland Ledger.
- ↑ About the Florida Suncoast Arquivado 10 de decembro de 2015 en Wayback Machine., na web de Florida Suncoast Waterkeeper (en inglés)
Véxase tamén
[editar | editar a fonte]Outras ligazóns
[editar | editar a fonte]- Baía de Tampa
- Baía de Tampa (rexión xeográfica)
- Florida Central
- Florida do Suroeste
- Costa Natural, ao norte da Costa do Sol
Ligazóns externas
[editar | editar a fonte]- Henthorn, Dawn (3-7-2014). "Florida's Suncoast. Florida's West Coast beaches are full of fun in the sun activities!". About.com (en inglés). Arquivado dende o orixinal o 30-03-2016. Consultado o 3-1-2016.