Gnoseoloxía
A gnoseoloxía(do grego γνωσις gnosis 'coñecemento' ou 'facultade de coñecer' e λόγος logos 'razoamento' ou 'discurso') é unha rama da filosofía que estuda a natureza, a orixe e o alcance do coñecemento.
Historia e características[editar | editar a fonte]
A gnoseoloxía non estuda os coñecementos particulares, como poden ser o coñecemento da física, da matemática ou dos arredores inmediatos, senón o coñecemento en xeral, aínda que pode falar sobre os límites e o fundamento doutros coñecementos particulares; por exemplo, ao dilucidar que valor ten unha "medida" usada pola física.
Os problemas en torno ao coñecemento son centrais na filosofía e a súa consideración iníciase coa filosofía mesma, especialmente con Platón, en especial no seu diálogo titulado Teeteto. Practicamente todos os grandes filósofos contribuíron á gnoseoloxía.
