Gloster Gladiator
| Gloster Gladiator | |
|---|---|
 Gladiator na actualidade | |
| Tipo | caza |
| Fabricante | Gloster Aircraft Company, Ltd. |
| Deseñado por | Henry Phillip Folland |
| Primeiro voo | 12 de setembro de 1934 |
| Introducido | 1937 |
| Retirado | 1953 (Portugal) |
| Principais usuarios | Royal Air Force Fleet Air Arm Forza Aérea de Finlandia |
| Unidades construídas | 747 |
O Gloster Gladiator foi un caza biplano británico usado durante a segunda guerra mundial. Foi o derradeiro caza biplano producido no Reino Unido e foi a espiña dorsal do mando de caza británico antes da guerra. Voou por primeira vez en 1934 como unha evolución do Gloster Gauntlet cun motor máis potente e a cabina pechada. Entrou en servizo en 1937 e fabricáronse 768 exemplares ata a primavera de 1940.
Durante a guerra serviu en todos os teatros e nun gran número de forzas aéreas distintas, algunhas delas do Eixo. A RAF usouno en Francia, Noruega, Grecia, na defensa de Malta, Oriente Medio, e na breve guerra anglo-iraquí (durante a cal a Real Forza Aérea de Iraq estaba equipada de forma similar). Outros países despregaron o Gladiator, incluídos China contra o Xapón, a partir de 1938; Finlandia (xunto cos voluntarios suecos) contra a Unión Soviética na guerra de Inverno e na guerra de Continuación; Suecia como non combatente neutral (aínda que os voluntarios suecos loitaron por Finlandia contra a URSS como se dixo anteriormente); e Noruega, Bélxica, e Grecia resistindo a invasión do Eixo dos seus respectivos países.
Especificacións
[editar | editar a fonte]- Tipo: monopraza de caza Gloster Gladiator Mk I.
- Planta motriz: un motor radial Bristol Mercury IX de 840 hp.
- Envergadura: 9,38 m.
- Lonxitude: 8,36 m.
- Peso máximo na engalexe: 2.083 Kg.
- Velocidade máxima: 253 millas/h a 14.500 pés.
- Alcance: 428 millas.
- Armamento: catro metralladoras de 7,7 mm.
