Giuseppe Aggarbati

Na Galipedia, a Wikipedia en galego.
Saltar ata a navegación Saltar á procura
Giuseppe Aggarbati
Arcebispo da Igrexa católica latina
Biografía
Nacemento13 de febreiro de 1813 en Civitanova Marche
Pasamento24 de maio de 1880
Ordes
Consagración episcopal10 de marzo de 1867, por Costantino Patrizi Naro
Bispo de Senigallia
1867 - 1879
PredecesorDomenico Lucciardi
SucesorFrancesco Latoni
Outros
Ficha en catholic-hierarchy.org

Giuseppe Aggarbati, nado o 13 de febreiro de 1813 en Civitanova Marche e finado o 24 de maio de 1880, foi un relixioso latino, bispo de Senigallia, e padre conciliar no Concilio Vaticano Primeiro.

Traxectoria[editar | editar a fonte]

Naceu o 13 de febreiro de 1813 en Civitanova Marche nunha familia humilde,[1][2] e moi novo, o 26 de marzo de 1828 entrou na Orde de Santo Agostiño, en Tolentino.[2] Ao ano seguinte fixo votos solemnes, e logo de completar a súa formación, o 19 de decembro de 1835 foi ordenado sacerdote.[2] Posteriormente exerceu varios cargos na súa orde, sendo rexente, mestre, prior e provincial. Tamén foi profesor de Filosofía moral na Universidade de Perugia.[2]

Marchou a Roma, onde en 1865 foi nomeado procurador xeral da súa orde.[2] O 22 de febreiro de 1867 foi nomeado bispo de Senigallia por Pío IX.[1][2] Recibiu a consagración episcopal o 10 de marzo, na basílica de Santo Agostiño, de mans do cardeal Costantino Patrizi Naro, e tivo como co-consagrantes a Giuseppe Cardoni e a Francesco Marinelli. Como bispo, foi padre conciliar no Concilio Vaticano Primeiro.[3]

Renunciou antes do 29 de abril de 1879. O 12 de maio de 1879 foi nomeado arcebispo titular de Petra in Palaestina. Finou o 24 de maio de 1880, en Civitanova Marche.

Notas[editar | editar a fonte]

  1. 1,0 1,1 Annuario pontificio 1869 (en italiano). Roma: Tipografia della R.C.A. 1869. p. 216. Sinigaglia, Senogallien. - Stati Pontifici. - Giuseppe Aggarbati, dei Romitani di S. Agostino, n. in Civitanova, arcid. di Fermo, 13 feb. 1813, p. 22 feb. 1867. 
  2. 2,0 2,1 2,2 2,3 2,4 2,5 Bellone, Bruno (1966). I vescovi dello stato Pontificio al Concilio Vaticano I. Libreria editrice della pontificia Università Lateranense. pp. 131–132. ISBN 9788846503770. 
  3. Catalogo alfabetico di tutti i padri del Concilio Io Ecumenico Vaticano. Osservatore Romano. 1870. p. 3. Aggabardi, Giuseppe dei Rom. Agostin., Vescovo di Sinigallia.