Gimlet (combinado)

O gimlet é un combinado ao estilo martini, que se adoita facer con xenebra ou vodka e zume de lima.

Historia

D. B. Wesson definiuno en I'll Never be Cured III como "gin, a spot of lime, and soda" ("xenebra, unha pinga de lima e soda"). Raymond Chandler escribiu en O longo adeus (1953): " Un verdadeiro gimlet leva a metade de xenebra, a metade de zume de lima Rose’s, e punto.", en palabras de Terry Lennox).

Desde a década de 1990 a maioría dos barmen adoitan servir o gimlet con vodka en vez de xenebra. Esta variedade era o combinado favorito de Ed Wood, que mesmo usou os pseudónimos de "Telmig Akdov" e "Akdov Telmig" (palíndromo de Vodka Gimlet) para as súas novelas para adultos.

Etimoloxía

A primeira testemuña deste nome aplicado ao combinado é de 1928. Procede do nome en inglés da barrena, ferramenta para facer pequenos buratos, e é usado figuradamente polo efecto de "penetración" que fai en quen o bebe.

Véxase tamén

Ligazóns externas

• Preparación do Gimlet (en inglés)