GNU Compiler Collection

Na Galipedia, a Wikipedia en galego.
Logo do GNU Compiler Collection.

O GNU Compiler Collection (máis coñecido como GCC) é un conxunto de compiladores de linguaxes de programación producidos polo Proxecto GNU. É software libre distribuído pola Fundación polo Software Libre (FSF) baixo as licenzas GNU/GPL e GNU/LGPL, e é un compoñente esencial do desenvolvemento GNU. É o compilador estándar dos sistemas operativos tipo Unix, e de certos sistemas operativos propietarios tales coma o MacOS X.

Orixinalmente foi nomeado coma o GNU/C Compiler, porque soamente manexaba a linguaxe de programación C, máis tarde(en 1987) o GCC foi ampliado para compilar C++, Java, Fortran, Ada e outros.

GCC foi portado a unha ampla variedade de arquitecturas de procesador, e está amplamente implantado coma unha ferramenta no densenrolo tanto de Software Libre como de propietario. GCC tamén está dispoñible para a maioría de plataformas embedidas, incluíndo symbian (chamado GCCE), AMCC e Freescale Power Architecture-based chips.[1]. O compilador pode ser usado dende unha gran variedade de plataformas, incluíndo video consolas de xogos como Playstation e Dreamcast.

Así como o compilador oficial do Sistema operativo GNU, GCC adoptouse coma o compilador estándar por gran parte doutros modernos sistemas operativos baseados en Unix, incluíndo Linux e a familia BSD, aínda que FreeBSD e OS X mudaron o sistema LLVM.[2]


Este artigo tan só é un bosquexo
 Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.

  1. "Linux Board Support Packages". Consultado o 2008-08-07. 
  2. http://llvm.org/Users.html