Gérald Lacroix

Gérald Cyprien Lacroix
Cardeal da Igrexa católica
Biografía
Nacemento	27 de xullo de 1957 en Saint-Hilaire de Dorset, Quebec
Ordes
Ordenación sacerdotal	8 de outubro de 1988, por Maurice Couture
Consagración episcopal	24 de maio de 2009, por Marc Ouellet
Creado cardeal	22 de febreiro de 2014, por Francisco
Arcebispo de Quebec Cardeal-Presbítero de San Giuseppe all’Aurelio
2011 - actualidade
Predecesor	Marc Ouellet
Outros
Escudo de Gérald Cyprien Lacroix
Mane nobiscum Domine (Quédate connosco Señor)
Ficha en catholic-hierarchy.org

Gérald Cyprien Lacroix, nado o 27 de xullo de 1957 en Saint-Hilaire de Dorset (Quebec) é un cardeal e arcebispo católico latino canadense.

Traxectoria

Naceu en Saint-Hilaire de Dorset o 27 de xullo de 1957, e ingresou no Instituto Secular de Pío X en 1975. Foi ordenado sacerdote o 8 de outubro de 1988 polo bispo auxiliar do Quebec, Maurice Couture.

O 7 de abril de 2009 foi elixido bispo auxiliar do Quebec e bispo titular de Hilta. Recibiu a consagración episcopal o 24 de maio de mans do arcebispo do Quebec Marc Ouellet, tendo como co-consagrantes ao arcebispo emérito Maurice Couture e ao bispo auxiliar do Quebec Gilles Lemay.

O 22 de febreiro de 2011 o papa Bieito XVI nomeouno arcebispo de Quebec. Tomou posesión da arquidiocese o 25 de marzo.

O 22 de febreiro de 2014 o papa Francisco creouno cardeal co título de Cardeal-Presbítero de San Giuseppe all’Aurelio.