Frederico I de Saxonia

Para outras páxinas con títulos homónimos véxase: Frederico I.

Frederico I
Margrave da Marca de Meissen-Lusacia Conde Palatino de Saxonia e Elector de Saxonia
Retrato por Lucas Cranach o Mozo
Reinado	1381 - 1423
Nacemento	11 de abril de 1370 Altenburg
Falecemento	20 de xaneiro de 1428 Altenburg
Predecesor	Alberte IV de Saxonia
Sucesor	Frederico II de Saxonia
Consorte	Catarina de Brunswick-Lüneburg
Descendencia	véxase Matrimonio e descendencia
Casa real	Casa de Wettin
Proxenitores	Frederico III de Turinxia Catarina de Henneberg
Na rede

Frederico I de Saxonia e IV de Meissen, o Pendenceiro (en alemán: Friedrich der Streitbare, nado en Altenburg o 11 de abril de 1370, e finado na mesma cidade o 4 de xuño de 1428, foi margrave da Marca de Meissen-Lusacia entre 1381 e 1423 como Frederico IV, e conde palatino de Saxonia e príncipe elector de Saxonia entre 1423 e 1428.

Tracectoria

Frederico era fillo de Frederico III de Turinxia, o Severo, da casa de Wettin e de Catarina de Henneberg.

Sucedeu ao seu pai aos once anos, xunto aos sus irmáns Guillerme II de Meissen o Rico e Xurxo de Meissen, e ao seu primo Frederico IV de Meissen o Pacífico, fillo de Baltasar de Turinxia. Todos eles estiveron baixo a tutela do seu tío Guillerme I de Meissen o Torto.

Desde mozo distinguiuse como guerreiro, de onde procede o seu alcume, e participou na expedición dos Cabaleiros Teutónicos contra os lituanos e o rei Venceslau IV de Bohemia.

Tamén foi un gobernante culto e, en 1409, fundou a Universidade de Leipzig, en beneficio dos estudantes alemáns que abandonaran a Universidade de Praga despois dos acontecementos relacionados co Cisma de Occidente.

Uniuse ao bando do Emperador do Sacro Imperio Romano Xermánico Sexismundo durante as guerras husitas.

Polos seus servizos foi recompensado o 6 de xaneiro de 1423, co Ducado de Saxonia-Wittenberg e o condado Palatino de Saxonia, tras a morte do último ascanio, Alberte IV de Saxonia.

Con estas adquisicións, os territorios dos Wettin creceron en gran medida, e os seus Estados comezaron a seren dos máis poderosos dentro do Sacro Imperio Romano Xermánico. Frederico IV empezou a nomearse el mesmo Frederico I Duque e Elector.

Coa morte de seu irmán Guillerme II o Rico, Frederico converteuse no gobernante de todos os territorios da casa de Wettin, exceptuando o Landgraviato de Turinxia. Foi o primeiro Wettin enterrado na Capela Ducal da Catedral de Meissen, en 1428.

Matrimonio e descendencia

Ferderico contraeu matrimonio con Catarina de Brunswick-Lüneburg o 7 de febreiro de 1402, coa que tivo sete fillos:

• Frederico II de Saxonia o Apacíbel, Elector de Saxonia;
• Ana de Saxonia, esposa de Lois I, Landgrave de Hesse;
• Catarina, esposa de Frederico II de Brandeburgo;
• Henrique;
• Guillerme III de Turinxia o Valente, Landgrave de Turinxia;
• Sigmundo, bispo de Wurzburgo;
• Catarina (falecida a temperá idade).

Predecesor: Alberte IV

Elector de Saxonia 1423 - 1428

Sucesor: Frederico II