Franz Loidl
| Biografía | |
|---|---|
| Nacemento | 16 de marzo de 1905  Ebensee, Austria (pt)  |
| Morte | 26 de xullo de 1987 (82 anos) Payerbach, Austria (pt) |
| Datos persoais | |
| País de nacionalidade | Austria |
| Relixión | Igrexa católica e Igrexa católica latina |
| Actividade | |
| Ocupación | teólogo , historiador , escritor , sacerdote católico |
Franz Loidl, nado o 16 de marzo de 1905 en Ebensee (Alta Austria) e finado o 26 de xullo de 1987 en Payerbach (Baixa Austria) foi un sacerdote católico latino austríaco, escritor e historiador en materia eclesiástica, austríaca e cultural.
Traxectoria[editar | editar a fonte]
Franz Loidl foi ordenado sacerdote en 1931. Logo da súa habilitación en 1941, Loidl foi até 1945 capelán da parroquia de Santo Agostiño de Viena así como capelán de hospital e militar do distrito militar XVII. Neste cargo, acompañou a moitos condenados a morte no momento da súa excecución.
Logo da guerra, Franz Loidl estivo en Ebensee, e entrou por vez primeira no campo de concentración de Ebensee o 8 de maio de 1945 para buscar sacerdotes prisioneiro. Estivo acudindo ao campo a diario durante dúas semanas, onde documentou a liberación. En 1946 escribiu a súa Habilitación en Historia eclesiástica e Patroloxía na Universidade de Viena. En 1950 pasou a ser profesor da Facultade de Teoloxía da Universidade de Viena, onde obtivo en 1953 a Cátedra de Historia da Igrexa e Patroloxía que mantivo até 1975. Entre 1958 e 1965 foi tamén director do Arquivo Diocesano de Viena, e membro da xunta do DÖW dende a súa fundación.
Premios e distincións[editar | editar a fonte]
Foi Prelado de Honra da Súa Santidade. En 1980 recibiu o Premio Estatal Karl von Vogelsang na Historia das Ciencias Sociais.
Obra[editar | editar a fonte]
- Geschichte des Erzbistums Wien [Historia do arcebispado de Viena]. 1983.
- Weihbischof Dr Johann Baptist Schneider [O bispo auxiliar Dr. Johann Baptist Schneider]. 1986.
- Anmerkungen über den Philosophen Ferdinand Ebner [Notas sobre o filósofo Ferdinand Ebner]. 1987.
