Fielato

Na Galipedia, a Wikipedia en galego.
Saltar ata a navegación Saltar á procura
Fielato de Ribadeo na entrada pola parroquia da Devesa
Fielato de Ribadeo na entrada pola parroquia da Devesa

Fielato era o nome popular que recibían as casetas de cobro dos arbitrios e taxas municipais sobre o tráfico de mercancías, aínda que o seu nome oficial era o de estación sanitaria, xa que á parte da súa función recadatoria servían para exercer un certo control sanitario sobre os alimentos que entraban nas cidades. O termo fielato procede do fiel ou balanza que se usaba para a pesada. No Dicionario de la Administración Española de Marcelo Martínez Alcubilla no apartado referente á contribución de consumos, recóllense unha serie de artigos para o correcto funcionamento dos fielatos:

  • Art. 37. Os fielatos serán abertos á saída do sol e pechados á posta do mesmo.
  • Art. 41. Os fielatos centrais recoñecerán e gravarán as especies que concorran a eles ao tempo de entrar e saír dos mesmos.
  • Art. 42: Onde non existan fielatos exteriores deberán establecerse un ou máis interiores segundo esíxano as conveniencias do servizo.
  • Art. 45: Onde só existan fielatos interiores, a circulación de especies para dirixirse a eles, só poderá verificarse polas rúas designadas para o efecto con marcas ou rótulos visibles.

Actualmente os fielatos foron substituídos por outros mecanismos cos que o Estado pode controlar a fiscalidade e a sanidade dos alimentos.

Outros usos[editar | editar a fonte]

O xogador do Athletic Club Koldo Aguirre era coñecido polo sobrenome de O Fielato.

Véxase tamén[editar | editar a fonte]

Bibliografía[editar | editar a fonte]

  • Belda González, Rafael: "Los arbitrios municipales en la Cartagena de mediados del siglo XIX". Revista Murciana de Antropología nº 15, 2008, Páxs. 533-539.
  • Canga-Argüelles, José de: Diccionario de Hacienda. Atlas, Madrid, 1968.
  • Índice alfabético de las mercancías sujetas al pago de los arbitrios municipales. Cartagena, 1955.
  • Martínez Alcubilla, Marcelo: Diccionario de la Administración Española. Tomo primeiro, Madrid, 1886.

Ligazóns externas[editar | editar a fonte]